Read BIBILLYA Mareiyo Meele a Iruva SABURI 27 Bible Online

SABURI 27 - BIBILLYA Mareiyo Meele a Iruva bible

SABURI 27

¹Nndumi Iruva mmbwe saa yakwa Na mwikira wakwa, sheereya-vi? Nndumi Iruva mmbwe turuve ya muu wakwa, Mmbovi shimwereyaany?

²Vetana makasha vekishifikya Naambo vashirumate Vetuurwo na vakiduva vakwa, Mmbo valerendeya vakawa.

³Nakwaa shasengetyo mmatorito; Nshishereyaa-fo; Nakwaa shashingillyo mmisa Nshifwaa nrima-fo.

⁴Nndumi Iruva, kindo kyimwi shatereva, Kyimwi-nsi nakyo shikyiruuyaa, Ni ikaa efo mmba kwa Nndumi Iruva, Nikonu myoose ya muu wakwa, Shilole usha lwa Nndumi Iruva Na ikunda iteterwa efo mmba yakwe.

⁵Fyeeri fya makiva mmbo asheshisurumaa, Yefo mmba yakwe, nashivike-fo na ufoo, Nashaallwe lleke alya uwe ya isimamba.

⁶Na yeny mmbo shivingaa vakiduva vakwa Ewo vashiringitye, shishemba kilewa efo mmba yakwe, Nkapaa weele shirumishe Nndumi Iruva

⁷Aranya woi Nndumi Iruva; Aranya unyanga lwa kiiyo kyakwa, Kushaaranyi na ishitarama.

⁸Llya kuleamba Ruuyeny usangu lwakwa, Nrima wakwa ukakwalukya shaamba, Nndumi Iruva, Usangu lwafo llo shiruya.

⁹Kushille na ikunda lyafo Kulashilemi kyeendwa nngoo, Yeny nndundi wafo, Yewe mmbo kukee ngyarami yakwa kyeeri kyoose Kulashire nta ishirekywa, Woi Iruva mwikira wakwa.

¹⁰Naakwaa ni elyi nde na ma wakwa vanshira, Nndumi Iruva mmbo ashiwarya kwakwe.

¹¹Woi Nndumi Iruva shifunda shia tafo, Na ishitetera efo shieny ya usumanu, Mashika vakiduva vakwa ni veengyi.

¹²Kulaseiye vakiduva vashitannyi Ndesa vakunndye.

¹³Shivikye nsia shilollyaa Ikunda lya Nndumi we Iruva; Efo kwa vandu vakee na muu

¹⁴Vera Nndumi Iruva, Kaarya, nta kulautepa Vera Nndumi Iruva.