Read BIBILLYA Mareiyo Meele a Iruva SABURI 28 Bible Online

SABURI 28 - BIBILLYA Mareiyo Meele a Iruva bible

SABURI 28

¹Shakuvaanga woi Nndumi Iruva, Isimamba lya muu wakwa Kushaarannyi kyeeri shikuvangaa, Shilasheeva sha valya vakeoloka kiroriny,

²Kushaarannyi elyi shiifo nkuterevaa shishoorwaa maako neefo uwe kwafo kweele kushekye.

³Kulashuutye uvingo ando amwi na vandu varavi, Ando amwi na ewo vetana ukasha; Vandu vareraa marero mafoo, Indi ni vandu vaishwe makusaro, Maravi miriminy yaawo.

⁴Vautye uvingo kyikwaani na mitannyi yaawo, Ndesa vatannyi makasha awo. Vautye uvingo kyeendwa ni mirunndye yaawo veni, Kuvatannyi efyo fikwaani nawo.

⁵Mmbasarye mirundye ya Iruva-fo, Nta mashora a maako akwe-fo, Kwekyo ni kuti vamamitwa. Nta valakiidima-se itana lyingyi

⁶Nndumi Iruva narumishwa, Elyi alearannya kyiterewo kyakwa.

⁷Nndumi Iruva mmbwe ngao na finya yakwa, Elyi alearannya kyiterewo kyakwa, Mmbwe nrima wakwa ummbikye nsia. Elyi asheekya shasennywa, Neeny ni kuti shimwaani na imwiimbya.

⁸Nndumi Iruva ni finya ya vandu vakwe, Karinga na ikira mmwambwe mafura wakwe.

⁹Ee Iruva kira vandu vafo, Vandu vafo kuvavikye mbora Kuve mwiisi waawo kuvaringe na ivalola fika llung'anu.