Read BIBILLYA Mareiyo Meele a Iruva SABURI 31 Bible Online

SABURI 31 - BIBILLYA Mareiyo Meele a Iruva bible

SABURI 31

¹Kwafo, ee Nndumi Iruva mwitorya, ni kirishyony kyakwa; Nta kulashire shisuke, Kushikire yewe wa usumanu.

²Shilootya kaarwi, kushikire swany; Kwafo kushisurumi kuleefo kindo kishiidimaa ishipaana.

³Ee, yewe ni isimsmba na finya yakwa. Kyeendwa ni ikunda lyafo, Kushoore na ishitetera.

⁴Shuuta efo nreiyony, Kushivike ando kusha.

⁵Maakony afo sharambikya-fo muu wakwa. Kushikire woi Iruva-Mwitorya, Iruva wa dede.

⁶Shisuuye yewo veiindya maruva a wongo. Kya yeny ni yewe shikuvikye nsia, Ee, Iruva-Mwitorya.

⁷Shirumishaa na yaamba kya mitannyi yafo, Yewe mmbo kulollye ukiva lwakwa Kwamanya na mikaaye yakwa.

⁸Nkuleshira shitirwa ni nkiduva-fo Kwashiniinga uleke, shikweengye kundo shikunndye.

⁹Shilillya woi Iruva-Mwitorya. Shikee ukiveny Shammiiya na miso akwa amfumba. Finya takwa toose tammisya.

¹⁰Finya ta muu wakwa tammariswa mfyoova; Yee myaaka yakwa myoose Nyama tikashushuka kyeendwa ni yaatarika. Naakwa ni mafua nawo akalwaa.

¹¹Vakiduva vakwa vakashiila Kwa vandu va nnyanu shava sha ifwanu. Mbuya takwa vakashiilla vakaereya, Vakakwaanannya na yeny vakashirisha.

¹²Woose vakashirekywa sha nndu alemmefwa, Shavaka kirashi.

¹³Sheeta vandu vereraa kiviri-viri, Fyereso taari shoose. Na ivika firembo fya wo ngata, Naambo vakooye ntambo wa ishiwaa.

¹⁴Kya indi ni yewe shikuvikye nsia, ee Iruva-Mwitorya. Shaamba, “Yewe ni Iruva wakwa!”

¹⁵Muu wakwa ni maakony afo ukai Nndumi Iruva shikira na vakiduva vakwa, Shikira na yewo vakeeshilamya.

¹⁶Kushille yeny ishinga lyafo. Kushisarye na ishikira.

¹⁷Shakutereva woi Iruva-Mwitorya, Kulashitiiye shisuke. Kya indi valyamari vasuke; Vafike-si yefo kwa varumu.

¹⁸Raya kana kya yewo vatiri wongo, Vandu mbafu ewo vakushoba Yewo veiila vandu vasaari.

¹⁹Mesha afo mmbo ailanyi, Yoo kusurummyi vandu vafo. Nawoose mmbo veeshi ikunda lyafo, Na mbora kwa yewo vakuvikye nsi.

²⁰Kwavavika kufii na yewe, Andu kwaasha na vandu yewo, Veetana fya ukasha.

²¹Iruva-Mwitorya narumishwa, Eto aleshoora isarya lyakwe, Kyeeri shileringitwa na ikapwa.

²²Na yeny shaereya, “Shakusara mmbo anshira!” Kya indi kyeeri shilemfuuya Kaita kiiyo kyakwa.

²³Kundeny Iruva-Mwitorya, Yeni vandu vasaari! Iruva-Mwitorya akunndye vandu va dede Kya indi asuuye ewo vatiri kiila Nawe ashevakapaa ndesa kikwaani.

²⁴Kufingeny kyuumi na ikaarya ngoo Yeni moose, mukusirye Nndumi Iruva!