Read BIBILLYA Mareiyo Meele a Iruva SABURI 36 Bible Online

SABURI 36 - BIBILLYA Mareiyo Meele a Iruva bible

SABURI 36

¹Ulyamari mmbo lureraa na nndu nravi, Nnang'ani deny ya nrima wakwe. Yiindya Iruva nnag'ani yakwe nkwiifo deny-fo

²Nndu nravi mmbo akulollye we muni eekusara sheelyi uravi lwakwe llumanyikaa kwa Iruva na indenga-fo.

³Wo kindo ashaamba ni wongo na fikasha. Kalemwa iva mwaarya na itana mesha.

⁴Elele mmbo akekusara itana makasha. Wo kindo aketana ni kikasha. Na nalakunndye ilakana na ukasha.

⁵Ewe Nndumi Iruva, Isarya lyafo lyikwaani koose fika iruveeu; Usumanu lwafo mmbo lukwaani fika mafishiny.

⁶Udede lwafo mmbo luvakye mafumbuu, Mirumbuye yafo ikavaka ndilyi ya mura mwiingyi. Ee, Nndumi Iruva ni yewe kuringye fyoose, Vandu naakwa ni mafisi.

⁷Ewe Iruva isarya lyafo ni iniini wende! Vandu woose mmbo varishya Kwasi ya kirishe kya maaru afo.

⁸Kwavawutisa na umasi lwa mmba yafo, Vakana mura wooka kwafo.

⁹Muu ni kwafo uparikye, Kyeendwa ni saa yafo lukalollya saa.

¹⁰Ewo vakwiishi kwengere ivakunda; kyeendwa ni isarya kweengere iva mfoo.

¹¹Kulashevaniinga mwaanya ewo vekushoba vashiwoye; Nta irishywa ni vandu vakasha.

¹²Ate vammbwa valya vetana makasha; Vammbwa-si valakiidima ikwiipo.