Read BIBILLYA Mareiyo Meele a Iruva SABURI 41 Bible Online

SABURI 41 - BIBILLYA Mareiyo Meele a Iruva bible

SABURI 41

¹Ngoma nndu mwifurukannya vaturi. Mashika Nndumi Iruva ashemweekya kyeeri kya ukiva.

²Nndumi Iruva ashevaringaa na ivakapannya Ashevaniingaa ifura yandi ulaniny. Ashevautaa efo ngyaleny ta vakiduva vawo.

³Nndumi Iruva ashemweekya kyeeri kya ndwari Nawe ashenninga finya.

⁴Na yeny shaamba, “Woi Nndumi Iruva, shifwaaya na ishikira. Kimmba shilekulyamarya yewe.”

⁵Vakiduva vakwa mmbo vakerera, Makasha uwe yakwa, Mmbo vakundye shifwe, na irekyeka deny.

⁶Valya vakesheshisaiya woose, ni vandu vakasha, Mmbo vakekusara makasha uwe yakwa, Filya vasheshinunwa vakandefyaamba wo andu.

⁷Woose valya veshisuuye vakarera uwe yakwa; Vekusaraa makasha a ishivavisa,

⁸Veshambaa, “Ndwari yei mmbo yiimmbwaa, Nnyakwipoo lyingyi yoo kitareny kyakwe-fo!”

⁹Naakwa ni mbuya, ilya yakwa shiivikye nsia, Ilya shilellya nawe kideeveny kimwi, Ikashifuluka na ishikapa fira.

¹⁰Woi Nndumi Iruva kushilya, Kushiniinge finya shivataiye kiduva.

¹¹Indo llyo mmanya kushikunndye, Elyi vashelemwaa ishivinga.

¹²Mmbo kusheshekyaa kimmba Shitanaa fya usumanu, Kusheshivika yoo usanguny lwafo llung'anu.

¹³Nndumi Iruva narumishwa, Iruva wa Israeli, Narumishwa we ulaalu fika llung'anu. Amen! Amen!