Read BIBILLYA Mareiyo Meele a Iruva SABURI 42 Bible Online

SABURI 42 - BIBILLYA Mareiyo Meele a Iruva bible

SABURI 42

¹Shaase sarya iruuya mura wa ina, Na yeny ni indo shiifo shikuruuya Yewe Iruva wakwa.

²Mmbo shitirwa ni nyura ya ilollya Iruva eefo na muu. Ee, nyura ya Iruva akee na muu. Ni indii shifika kwakwe shillollye? s

³Misoru takwa tikava shoonga yakwa kio na nsanyiny; Wo nkonu mmbo vakeshivesa: “Iruva eto wafo nkwi akai?”

⁴Mmbo shikerovyo kyeeri shikekummbwa filya filetanyika, Ndesa shilesanga na nsemu wa vandu: Shavatetera vafike efo kyeny kwa Iruva, Shafura amwi nawo Lushiimba na irumisha Iruva!

⁵A nkikyi shirovyo indo? Ni kimaruma-ki shaatarike kifie indo? Kundo shivikaa nsia ni efo kwa Iruva, shinrumishaa na imwarafuma! We Iruva na mwikira wakwa!

⁶Nrima wakwa mmbo ukee nrovye ni fyoova, ee, Iruva kyasheengya shakukummbwa yewe. Kupookya uruka lwa Yordane na Hermoni, na kupookya ifumbuu lya Mizari.

⁷Fikasheengye mavavyo na mmbwa shiingyi Ikafisha nguka na fyoose fikashiwoya.

⁸Iruva mmbwe finya yakwa kyeeri kya nsanyiny, Na kyeeri kya kio shamwarafuma, we eto ashiniingye muu.

⁹Shavia Iruva isimamba lyakwa, nkikyi elyi kwashirekywa? Ankyikyi sheengere ivavyo na ilamywa mmbakiduva vakwa?

¹⁰Fyaararo fyawo fikashikapa elyi vashivesaa wo nkonu: Nkwi efo Iruva wafo akai?

¹¹A nkikyi shirovyo indo? Ni kimaruma-ki! Shaatarike indo? Kundo shivikaa nsia ni efo kwa Iruva! Shinrumishaa na imwaarafuma We Iruva na mwikira wakwa!