Read BIBILLYA Mareiyo Meele a Iruva SABURI 48 Bible Online

SABURI 48 - BIBILLYA Mareiyo Meele a Iruva bible

SABURI 48

¹Nndumi Iruva mmbwe ang'ani, Yeto akwaani yiindyo nnu Efo ifumbuny lyakwe yeele!

²Ifumbu lya Sioni lyikee taari ta ndoo mmbo waasha lwayo lyasennya kyuumu, muri wa mangyi ing'ani ni ifura lya ulana loose.

³Iruva efo mmba takwe. Kaamba mmbwe finya.

⁴Mashika lola, Vamangyi vekusangirya Vakeera woose andu amwi.

⁵Vakalollya na lyimwi vakaisongololo; Vakasavaa vakarisha.

⁶Yoo kweni vakatirwa mmbwerei, Vakavavyo sha nka ashiiraa mwana

⁷Uraato lwa taari ya ngama Lukafisha ngalava ta Tarshishi.

⁸Ndesa luleeta ni indo lulelollya, Efo muriny wa Nndumi Iruva muni finya; Muri wa Iruva weeru; Iruva asheuningaa finya fika llung'anu.

⁹Lwansoongya ngarami tafo yewe Iruva Nnangani ya mmba yafo.

¹⁰Ndesa irina lyafo lyingani, yewe Iruva, Ni indo na mitannyi yafo fika mbai ya ulana. Woko lwafo usha lukatana fya usumanu.

¹¹Fura yewe ifumbu lya Sayuni Kapeny mindoroo sambura ta Yuda, Kimaruma kya mirumbuye yafo.

¹²Rueny-rueny efo Sayuni Rungukeny muri Ekyeneny minara ya vayo.

¹³Loleny masimamba a vayo, Kusareny kya turuve tavayo Naambo mushevya ngyeeri tishaa numa.

¹⁴Mashika ni indi akai, Iruva, Iruva weeru. Llunganu na llung'anu. We mmbwe ashelusongoyaa.