Read BIBILLYA Mareiyo Meele a Iruva SABURI 49 Bible Online

SABURI 49 - BIBILLYA Mareiyo Meele a Iruva bible

SABURI 49

¹Saburi ya Vana va Kora Arannyiny, yaa shiifo shimuvyaa, eni vandu va masanga! Arannyiny, eni moose mukee ulaniny,

²Vandu vaniini na vadu Vandu woose deny vatiri kindo na vaturi woose ando amwi!

³Kana kakkwa kareraa seu, Na makusaro a nrima wakwa shimuvyia mbony shaantu.

⁴Shiloota yaarwi lyakwa shaarannya fyaaso, Na irammbwa uraawe lwakwa shiikapa kivale.

⁵A nkyiki shishereyaa kyeeri kya fyaataro, Ukasha lwishiringitye marendeny akwa.

⁶Ewo vakusirye umasi lwawo Na ikuishika kya masaa meengyi vatiri.

⁷Nkwiifo nndu ashiidimaa iturunya mwanamaye-fo Nta iniinga Iruva kindo ando a muu wakwe-fo.

⁸Mashika wuuru lwa muu wa nndu lluvaa yeekyena-fo Na lyingyi kuti naulekeye fika llung'anu

⁹Naambo akee-fo mikonu myoose Alashelollya kifu.

¹⁰Ee-da lola naakwa mmbalya vatiri seu vakeefwa, Ntondo na nrungani woose vakeefwa, Vakereeya vengyi masaa awo.

¹¹Fifu fikava ni mmba tawo fika llung'anu, Kundo kwekaa ngyeeri na ngyeeri. Ewo valesenda marema awo, Kwa marina awo veni.

¹²Nta nndu nnyalungannya-fo efo wiindiny-fo Kavaka mafisi yoo akemamika.

¹³Eyo nnyo shia yaawo, urung'ani lwao, Naakwa ni yewo vashaa numa yaawo, vakairikyana marero awo.

¹⁴Sha moonri ni yoo vakai, Varingitywa ni ufu veshendaa kwa varumu; Miili yaawo ikafwa, Na kifuny mfo kyeny kwawo.

¹⁵Indi Iruva ashikiraa nrima wakwa Na indeshuuta efo maakony a vafu, Andeshiwarya kwakwe.

¹⁶Kulasavee elyi nndu ava isimba, Na umasi lwa mmba yakwe lukaengerika.

¹⁷Mashika elyi ashefwaa, nnyashiipoo nta kindo kimwi-fo, Umasi lwakwe llusholokaa lunlatye-fo.

¹⁸Nakwaa ni eli akekurosa na uwe kyeeri efo na muu, Na vandu veekwiitikisaa elyi kwavesywa,

¹⁹Mmbo ashendaa efo ngyeeri ya vandeye Kundo valalollya ngyesa fika llung'anu,

²⁰Nndu wa vandu katira wiindi lyo Kantura urango mmbo avakye mafisi akeereka.