Read BIBILLYA Mareiyo Meele a Iruva SABURI 5 Bible Online

SABURI 5 - BIBILLYA Mareiyo Meele a Iruva bible

SABURI 5

¹Woi Nndumi Iruva, arannya marero akwa; na yeesa mavavyo akwa.

²Kwaarannye kiiyo kyakwa Woi Iruva mangyi yakwa, Mashika yewe Mmbwe shikuterevaa.

³Woi Nndumi Iruva, nraasi kwammita unyanga lwakwa, ngama shakweengye kiraso kyakwa numa shavereya kushirouwe.

⁴Mashika Yewe ni Iruva kulakunndye ukasha, Kwafo kulashidimaa ikaafo nndu nkasha.

⁵Yewo vekushela mmbasalalaa mbee ya usangu lwafo-fo, mashika kusuuye yewo vetana findo fya nguya

⁶Yewo vaamba wongo woose mamita, vewaa na valembi mmbo kuvasuuye.

⁷Indi yeny kwa ikunda lyafo iniini, nshaanga efo mmba kwafo kwa wiindi; shishe shinreremyaa.

⁸Woi Nndumi Iruva, shitetera efo usumanuny lwafo, Mashika vakiduva vakwa ni veengyi, kushoore shia yafo efo mbee yakwa.

⁹Mashika nkwiifo udede kaniiny kyawo-fo, ngoo tawo tiishwe urumato, ekyo varera ni ulembi, Ngyulumi tawo ntiishwe ntambo.

¹⁰Varumate woi Iruva, vareeye mirikosi yaawo ivatuule, vaante kyeendwa ni mirunndye yaawo myeesi, woombute mashika vankura

¹¹Indi valya woose vakurishyaa yewe vafuraa, Vashiimba kyeeri kyoose noomale, valooka kyeendwa ni irina lyafo.

¹²Mashika yewe Iruva, mmbo kuvikyaa mbora yeto atiri usumanu, Nndumi Iruva ikunda lyakwe nlyivaringityaa sha ngawo.