Read BIBILLYA Mareiyo Meele a Iruva SABURI 55 Bible Online

SABURI 55 - BIBILLYA Mareiyo Meele a Iruva bible

SABURI 55

¹Arannya kiterewo kyakwa, woi Iruva, Kulashisurumi kisangu kyafo!

²Shaarannya, kushirouwe, Isaukwa lyakwa lyanshirovya.

³Kyoorongye kya vakiduva vakwa, kyanshirovya, Vakashisaveesa, neeshenngye maariso; Kyimaruma kya nyashi neeshisua.

⁴Nrima wakwa wammereya. Na fyeereso fya ufu fikashilamya.

⁵Sharovywa mmbweeresi na kitaku. Shaereya nnu, na ifulukywa-deny.

⁶Shawuya shaamba; A nkyeema sheetiri maaru sha mbeta, Shirumbuke sheende ando kwaasha kutiri kyiimuyo!

⁷Yee mmbo shesheenda kundo kwaasha Shindekaa kasa koomu.

⁸Mmbo sheruuya na sina Ando kulatiri uraato, uraato lwa fnya.

⁹Fuluta makusaro awo, woi Nndumi, na mirerye yaawo kwaifwalangya, Mashika makusaro awo ni aumbafu, na myaandu nnang'ani a vandu,

¹⁰Makusaro awo kio, na nsanyiny, Mmbo vakeekusara itana makasha Mikaaye na myeengye yaawo ikaishwa-fo ngusanu.

¹¹Nnang'ani yaawo kukakaa-fo; Isisya, iwonnya vengyi na ulembi.

¹²Kyikooye ni nkiduva wakwa akeeshara-ra, Shesisirya ao nndu kilasha neeny, Nndu atiri kyiila mmbo shekaa kwaasha nawe.

¹³Indi ni yewe, nndu wa marika, Ulya lulyee kimwi, nndu lukwaani-deny.

¹⁴Vandu luishivani, na irera kimwi, Naakwa ni efo mmba ya Iruva lukeenda luryiani kimwi.

¹⁵Shatereva, ufu luvawoye; Varekye sumbai kwa varumu veifo na muu, Mmbashishwa eto avatiri mmbwe ashemoolotaa kifuny.

¹⁶Indi mmbo shivaanga Nndumi Iruva, Nawe mmbwe ashevaa mwiikira wakwa.

¹⁷Ngama, nsanyiny, na nkwaany na mmbo shikulaiya, na ifuuya Nndumi Na mmbwe asheeta unyanga lwakwa.

¹⁸Mmbwe asheshikiraa nrima wakwa, Kuuka efo fireny eyo shikeekapana, Mashika yewo vakeeshilaaya vammingifwa.

¹⁹Iruva ashiitaa kyiiyo kyakwa, Nawe ashitarami, yeto ashevafweerisa vamalallye, Nnyeli valakunndye yaalashika nta yeereya Iruva.

²⁰Vana-va-ma, va mbee mmbo valesakya na mbuya vakwe; Vakaimbwa kyaasa kyakwe.

²¹Marero akwe akamamya akailannya mafura a-ivee, Indi yefo nriminy wakwe ni ngapanu yiishwe-fo; Mbony ekeyaamba ikawovya sha mafura Indi mmbo ivavisaa ikailanya usu!

²²Mario moose reeya Nndumi Iruva wafo Nawe ashekukaarisaa, nta nawe, nnyashereyaa nsumanu wakwe avingwa-fo.

²³Indi yewe Nndumi Iruva wakwa, mmbo kushevakunnya irininy sumbai kwaasha-deny Veewoo na valembi. Ewo mmbashefikyaa kyenga kya muu wawo-fo, Indi yeny, ni yewe shikuvikye nsia.