Read BIBILLYA Mareiyo Meele a Iruva SABURI 63 Bible Online

SABURI 63 - BIBILLYA Mareiyo Meele a Iruva bible

SABURI 63

¹Woi Iruva, yewe Iruva wakwa; Mmbo shikeekuruuya na nrima wakwa. Nrima wakwa mmbo ukulanngye shava sha nndu atirwa nnyura Shitirwa nnyura shava sha uruka wuumu kundo kulatiri mura.

²Shakunda ikulollya yoo ando kwafo kweele Shilole wiidimi lwa finya na itumbe lyafo.

³Mashika ikunda lyafo mmbo lying'ani lyikailannya muu; Kana kyakwa mmbo kikwaarafumaa!

⁴Shikwaarafumaa kyeeri kyoose kya muu wakwa, Shiipoiyo maako akwa uwe kyeeri shiifo shiikutereva yewe.

⁵Nrima wakwa ukaishwa ifura. Na kana kyakwa shakwaarafuma.

⁶Kyeeri shilele rony ni yewe shikukummbwa, Makusaro akwa ni kwafo akai kio tara-raa.

⁷Mashika yewe mmbwe mweekyi wakwa; Kwasi ya kirishe kya maaru afo mmbo nshiimba shiifurye.

⁸Nrima wakwa ukavika nsia efo kwafo; Wa woko lwafo usha lukashisaleesa.

⁹Indi valya vakeshiruuya ireta muu wakwa, mmbo vasherekya irininy efo sumbai ya uruka,

¹⁰Mmbo vashewaawa na usu, Vasheva shoonga ya mannying'a.

¹¹Indi mangyi mmbo ashefuraa efo kwa Iruva, Na valya veevika kyaasa kwa irina lya Iruva mmbo vashemwaarafumaa, Indi valya veyaamba fya ulembi kana kyawo mmbo kyivaa mbimbi.