Read BIBILLYA Mareiyo Meele a Iruva SABURI 7 Bible Online

SABURI 7 - BIBILLYA Mareiyo Meele a Iruva bible

SABURI 7

¹Woi Nndumi Iruva, Iruva wakwa, ni yewe shikekurishya, Kushikire neshuuta ewo vakeshiwonnya.

²Kulaore vansha na ishiratwa-ratwa muu wakwa sha miiso, na indesheera kwaasha shilalollyaa wa ishikira.

³Woi Nndumi Iruva, Iruva wakwa,

⁴Kwakooya shiletana ukasha kya mbony eti; ifingya mbuya-akwa kindo kya wongo, ao yaafinya nkiduva wakwa kindo, kuleefo kimaruma,

⁵naasa, nkiduva eto wakwa; ashilatye numa kutani ashitira; ashivavare nashimamite narike muu vakwa uteryi!

⁶Kwiipoo na ngoo, woi Nndumi Iruva; kusiike unyafi lwa vakiduva vakwa, woi Iruva vakwa salala, yewe kyeeri kyoose mmbo kukundye mirumbuye ya usumanu.

⁷Vandu woose vakusangirye amwi vakuringitye yewe, kwikee kiriny kyafo kuvashillye.

⁸Woi Nndumi Iruva, kwaleta vandu va wo ngata, Woi Nndumi rummbwa kisha kyakwa, shaasa kishisumanyi usumanu;

⁹Woi Iruva nsumanu, weesi lwa varavi lumande; kaarisa vandu vasumanu; Yewe kwesaa makusaro na ngoo ta vandu, nninge finya nndu nsaari, yewe kwiishi mitambo ya kirika na makusaro makasha a vandu.

¹⁰Iruva mmbwe ngao yakwa ya ishiringa; Yeu akeemwikira vavaramu efo ngoony Kakyira valya vamwiindyaa.

¹¹Iruva ni mwileta wa usumanu, Ee Iruva asuuye mitambo.

¹²Kwakooya nndu nalakuryaa; Iruva amwiipoiyoo usu; alemaa ura lwakwe we muni.

¹³Nawe kasongosya fisha fyeerumata, kanwa mife ikava sha muro.

¹⁴Lola; nndu mweesi mmbo akusara fya ulyamari; na makusaro awo akaishwa fya wongo.

¹⁵Kasuma uroo we muni na ilukkwa; kawo efo uroony alesuma we muni.

¹⁶Ukasha avikya vandu vengyi lukambuyya we muni.

¹⁷Mmbo nshaana Nndumi Iruva kya usumanu lwakwe, usha lwakwe, nshirumishaa we Nndumi Iruva, Torya.