Read BIBILLYA Mareiyo Meele a Iruva SABURI 74 Bible Online

SABURI 74 - BIBILLYA Mareiyo Meele a Iruva bible

SABURI 74

¹Woi Iruva, kyikyi elyi kwalweera kwaasha deny? Nkyikyi elyi kwarooywa nnyashi kya vandu vafo kumuni.

²Kummbwa kya vandu vafo kulembasangirya ukya kasha, Isanga kulenlyikapannya lyive masaa a dingu yafo! Kummbwa ifumbu lya Sioni efo kundo kukai.

³Ira kunu maraminy yaandi, alellyamarwa mmbakiduva; Vakiduva vakalyamara wo kindo efo mmba ya iterevya.

⁴Vakiduva vafo vammbinga vakakusoka mmba ya iterevya; Vakasaleesa-fo bendera tawo ta ivinga.

⁵Vakavaka mwiimanya ngwi Akemanya miri na kyaara kyakwe.

⁶Vakafisha-fisha myaango ya mmba ya iterevya, Kwa kyaara na firia fyawo.

⁷Vakakora muro yoo ando kwafo kweele. Vakareesa ando yoo kweele kwafo kweyiindywa.

⁸Venkufinga ilumamita loose ando amwi! Vakakora muro ando koose ulaniny, Kulya lweekwanannya ikwiindya yewe.

⁹Firingisyo fyeru fyeele llukifilollye lyingyi-fo, Llukitiri nkisuku nta umwi-fo! Nta llwiishi mmbo kyivaa indi kufike marika-ki-fo.

¹⁰Woi Iruva, vakiduva veru mmbo vakusekaa fika indii? A mmbo vatatalaa irina lyafo llung'anu?

¹¹Nkyiki elyi kwasuruma woko lwafo? Nkyi-kyeema kulaorwe woko lwafo.

¹²Naakwa nnyendo, yewe mmbwe Iruva, mmbwe mangyi yeeru ukya kasha, Mmbo kulentana findo fiingyi fya ukyiro ulaniny.

¹³Kwa wiidimi lwafo lung'ani kwaava yeeve Kwapapara mirwe ya nkumbi efo yeeveny.

¹⁴Yewe kwakakasha mirwe ya dude Lewiyathani Nnying'a wa vayo kwandeniingya mafisi a kasa koomu.

¹⁵Yewe kumuuta ngyusoka na fimura, Na mira miniini.

¹⁶Ni yewe kuvikye-fo nsanyiny kwavika-fo kio; Kwavika mwiiri na nkyeere wo kyimwi ando kwavayo.

¹⁷Ni yewe kuvikye minnyanu myoose ya ulaniny, Kwavika-fo fyeeri fya nsaka na fyeeriyi fya mbeo.

¹⁸Kummbwa, Woi Nndumi Iruva; kyiila kya vakyiduva vafo. Isanga irung'ani lyikatatala irina lyafo. Neefo mmbo lukee vafwafwa sha mbeta.

¹⁹Kulasheeniinga mafisi manyaasi muu wa vakunde vafo, Kulasherekywa muu wa ngwera vafo llung'anu.

²⁰Kummbwa kyaasa kyafo kuvikye neese, Uruka mmbo lwiishwe kiila wo andi kwa ireema!

²¹Kulashevara-fo valya vakeefotwa vasotwa! Kuidimisye vaturi na valya valatiri varumishe irina lyafo.

²²Kwiipo, woi Iruva kukapannye irina lyafo, Kukummbwe ndesa vakeekwiipala wo nkonu, vandu valakwiishi.

²³Kularekywa kyoorongye kya vakiduva vafo. Na raa ta wo nkonu ta yewo vakee kilasha na yewe.