Read BIBILLYA Mareiyo Meele a Iruva SABURI 94 Bible Online

SABURI 94 - BIBILLYA Mareiyo Meele a Iruva bible

SABURI 94

¹Woi Nndumi Iruva mwitaiya kyiduva, Iruva mwitaiya kyiduva kukoore!

²Mwiutya uruka uvingo, kukurose. Kuniinge vandu va kyinyala fikwaani nao.

³Nndumi Iruva kufike indii? Kufike indii vandu valatiri usumanu vefuraa?

⁴Vetana meesi woose vashuuta marero! Na irera fya itanya fya kyinyala!

⁵Ee, Nndumi Iruva mmbo vakee irumta vandu vafo, Mmbo vakee ifota dingu yafo.

⁶Mmbo vakee iwaa nka wa dingu na nndu mwiny Mmbo vakee iwaa vana va ngwera.

⁷Wo mmbo vaamba, “Nndumi Iruva nnyalollye-fo Iruva wa Yakobo nnyakusaraa-fo.”

⁸Yeni varungani mukee nnang'ani a vandu kusareny! Yeni matondo, ni indii muwonisa urango?

⁹Yeto mwitana yaarwi, ashiidimaa-se iityaa? Yeto aleumba iriso, ashiidimaa-se

¹⁰Yeu mwishilya vandu va masanga, ashiidima-se yorota? Llori wa vandu, atiri-se umanyo?

¹¹Nndumi Iruva eeshi makusaro a nndu wa vandu, Sheelyi nnyaruu parany!

¹²Ee-da Nndumi Iruva, ngoma nndu kulemulosha wiindi, Na illosha kwa mavavasyo afo.

¹³Naambo kumfurise mikonu ya ukyiva Kutani nndu nalakee nsumanu asumyo irineny.

¹⁴Mashika Nndumi Iruva nnyasheera sakyeny vandu vakwe-fo; nta nnyariiya-u dingu yakwe-fo.

¹⁵Mashika udede luviira-u usumanu, Na woose vakee worotu efo miriminy vashefilatyaa.

¹⁶A mmbi alesheekya shikapanaa na varavi wakwa? A mmbi alesalala taari yakwa shivakyana na vandu vakasha?

¹⁷Kukooye Nndumi Iruva alekee veekyi lwakwa, Mmbo kwekooya shilemma yeenda kwa vafu.

¹⁸Kyeeri shileamba, “Urende lwakwa lukeeirendeya.” Ee-da, Nndumi Iruva ilyillya lyafo lyileshisalesa.

¹⁹Efo makusarony meengyi a ngoony yakwa, Yewe kushiviirya muu na ishifurisa.

²⁰A kitima kya yaafinya nkishaakana amwi na yewe Ekyo kyivikaa-u mavavaso a wongo?

²¹Mmbo akapannyaa muu va nndu wa usumanu Na yuutya uvingo samu ilatiri mbese.

²²Indi Iruva wakwa aleva turuve yakwa; Na Iruva wakwa kava mbanga yakwa yeerishya.

²³Nawe mmbo avaviryaa uravi lwawo, avarumatyaa efo ukasheny lwawo, Ee-da, Nndumi Iruva, Iruva mmbo avarumataa.