Read BIBILLYA Mareiyo Meele a Iruva SABURI 97 Bible Online

SABURI 97 - BIBILLYA Mareiyo Meele a Iruva bible

SABURI 97

¹Nndumi Iruva anshillya, uruka lukape ndoro! Ngyuruka shidu tiringityo mmura tifure.

²Mmbo aringityo ni mmafishi na ireema. Usumanu na udede mfyo nsuka wa ushilyi lwakwe.

³Muro mmbo wiiraa mbee yakwe Nato ukarumata vakyiduva vakwe taari toose.

⁴Fimwii fya ngova filemikya ulana. Uruka lukalollya lukarerema.

⁵Mafumbu mmbo aleeka sha muuya usanguny lwa Nndumi Iruva, Mbee ya Nndumi Iruva wa ulana loose.

⁶Ngina tikee ivambisa usumanu lwakwe; Na vandu woose valollya weele lwakwe.

⁷Naasany vasutwa yewo woose vendyaa mafwanu Yewo vakurosaa kwa findo filatiri nta mbusha Yeni maruva moose mwiindye Mmbwe

⁸Sioni ammiita, kafura, Vana va kyeny va Yuda valekapa ndoro!

⁹Mashika Yewe, Nndumi Iruva, nyewe kukee uwe; Uwe deny ngota uruka loose, Kukee nganise nnu deny uwe ya maruva moose.

¹⁰Nndumi Iruva mmbo akundye yewo sweny uravi! Mmbwe aringaa veele vakwe, Kavakyira ngyaleny ta vandu varavi.

¹¹Sa yammikya nndu wa usumanu, Na ifura kwa worotu efo ngoony.

¹²Yeni vasumanu, fureny Nndumi Iruva, Na yaana kya irina lyakwe!