Read BIBILLYA Mareiyo Meele a Iruva SABURI 98 Bible Online

SABURI 98 - BIBILLYA Mareiyo Meele a Iruva bible

SABURI 98

¹Imbieny Nndumi Iruva kiimbo kiiya, Mashika mmbo atana findo fya wende, Kwa woko lwakwe usha we muni, Woko lwakwe weele llulemwengye ukyiro.

²Nndumi Iruva amwoora ukyiro lwakwe Misony a vandu va masanga aleora-u usumanu lwakwe!

³Kakummbwa ilyillya lyakwe kwa mmba ya Israeli, Fishingony fyoose fya ulana ilelollya ukyiro lwa Iruva weeru.

⁴Kapeny Nndumi Iruva ndoro uruka loose Roseny unyanga; Imbeny kwa ifura, imbeny fiimbo!

⁵Imbeny Nndumi Iruva fiimbo na fivale, Imbeny fiimbo kwa unyanga lwa fivale.

⁶Kwa iranda na unyanga lwa wombe. Kapeny ndoro usanguny lwa Mangyi, we Nndumi Iruva!

⁷Yeeve idini amwi na fyoose fiishwe-fo! Ulana na woose vakee-fo

⁸Mira ikakape maako! Mafumbu eembe amwi kwa ifura.

⁹Imbeny usanguny lwa Nndumi Iruva Mashika akeesha yuutya uruka uvingo Na yuutya ulana uvingo kwa usumanu, Na vandu va masanga kwa worotu.