Read BIBILLYA Mareiyo Meele a Iruva FYAASO 23 Bible Online

FYAASO 23 - BIBILLYA Mareiyo Meele a Iruva bible

FYAASO 23

¹Kwakaa rembo ilya na Nshilyi, Kulasherekyo nta kinnywa mmbi kukee nawe.

²Fiisa uroo lwafo, Kwakooya kukee nndu kutewiyo n ndeu.

³Kulalange shoonga takwe shisha Mashika fishiidimaa ikuwara.

⁴Kwakooya kukee nndu nsuri, Kulalange nnu iengera masaa-fo?

⁵Sha ikyafya da masaa mmbo amamikaa, Nnyavee sheelyi amya maaru, Akarumbuka akamaya sha ngoru ng'iniu.

⁶Kulashelya shoonga ya nndu muumu, Nta kulalange fyeelya fyakwe fisenyi,

⁷Mashika nriminy wakwe mmbo akee iekena kindo kwalya. Akuvia, “Kuliiye, kuniiye!” Indi ngoony yakwe nnyariani neewe-fo.

⁸Nkuti kusheraaka; Fyaanu fyafo fyoose fishefwaa ruu.

⁹Kulasherera mbony yafo mbee ya nrung'ani, Mashika asheing'ashaa urango lwafo usha.

¹⁰Kulakillye nnyanu wa kasha Nta kulawaanyi nnda wa vana va ngwera,

¹¹mashika Iruva Nkira waawo atiri finya. Nawe ashevaviyyaa ngaya.

¹²Runda na a urango lwafo ilatya ngyufundo; Loota maarwi afo iarannya umanyo.

¹³Kulare ikyemya mwana. Kwankapa mbiiri nnyafwaa-fo.

¹⁴Kwansaara mbiiri, Mmbo kunkiraa muu wakwe na kwa warumu.

¹⁵Mwanakwa, nrima wafo ukammba nrango Ngoo yakwa neeny ishetiraa ifura.

¹⁶Ngoo yakwa ishekyesaa, Kyeeri kana kafo karera marero akwaani

¹⁷Ngoo yafo ilalange vandu valyamari, Indi engera iva mwiinndya Nndumi Iruva mikonu myoose.

¹⁸Nkya dede kwiifo ndesi ya llung'anu, Nta nsia wafo mmbufwaa ruu-fo.

¹⁹Arannya mwanakwa, kutire urango usha Soongya deny shaasa kukai.

²⁰Kulasheeva umwi wa venangwa mmbwari, Nta vaafu lwa nyama,

²¹mashika vanangwa na vaafu mmbo vashiinukya iva ngwera, mwisinda erengeaa asheraa firami.

²²Arannya ndoo akuirye, Nta kulainyale mau kammikwa.

²³Ura dede nta kulaikumbe; Ura urango usha, ufundo na utele.

²⁴Ndeye wa mwana nsaari ashevaa mwifura. Mwiira mwana atiri urango usha ashemfuryaa.

²⁵Furisa ndoo na mau! Mau mwikwiira nafure.

²⁶Mwanakwa, shaarannya na nshushwa. Warya ngaa ya muu wakwa.

²⁷Isonga ni irina yaasha lya iwara vandu; Nka muny mmbo avakkye kirori kisiise.

²⁸We mmbo alaayaa sha veala shya, Mmbo alembaa womi veengyi itura usaari.

²⁹Mmbaki vakee ffwa? Mmbaki vawoywaa mfyoova? Mmbaki vatiri myaandu? Mmbaki vatiri nndiiyo? Mmbaki vatiri fyaasha filatiri kimaruma? Mmbaki vatiri miso adodorye?

³⁰M mbalya valalakanaa waryiny, Valya valalaa shoowi ishosha wari nsha.

³¹Kulalange wari kimaruma kya fwana ya vayo, Nta kwakooya ukemika mika upateny, Na isoka vyaa kyeeri kukeena.

³²Masiiyo a vayo mmbo umaara sha shoka; Ukaasa sha shoka itiri kireeyo.

³³Miso afo ashellaa ng'alu ng'alu, Ngoo yafo isheutaa findo firavi.

³⁴Kushevaa sha nndu mwilala n nang'ani ya yeeve, Sha nndu mwilala uwe ya ngo ya ngalava.

³⁵Kushaambaa, “Mmbo valeshisaara nta nshilevavio-fo, Vakashikapa nta n shilemanya-fo. Ni indii shikupoo lyingyi? Ra shiruuye kyeena kingyi te?”