Read BIBILLYA Mareiyo Meele a Iruva FYAASO 30 Bible Online

FYAASO 30 - BIBILLYA Mareiyo Meele a Iruva bible

FYAASO 30

¹Marero a Aguri mwana wa Yake. Ufundo nndu yeu evia Illieli; ee Ithieli na Ukali.

²Yen mmbo shikee nrung'ani deny, nta nshikee nndu-fo, Nta urango lwa nndu wa vandu n shitiri-fo.

³Nshilenkulosha urango usha-fo, Nta nshiishi kindo uwe ya Iruva mweele-fo.

⁴Ammbi ndesa alenrwa uwe iruveeu kasokase si? Mmbi alentira uraato wokony? Mmbi alemfinga mura na kirami? Mmbi avikkye minyanu myoose ya ulana? Irina lyakwe mmbi? A irina lya mwana wakwe mmbi? Shivia kwakooya kwiishi!

⁵Marero moose a Iruva ni ya dede. We nngao yaawo woose vanrishyaa.

⁶Kulasheiengera irero marerony akwe, Neewe kulollywa mmbo kwaamba wongo.

⁷Findo efyi fivii shakutereva woi Iruva, Kulashiimi kulaore shamfwa.

⁸Shiringa wongo na ulembi. Nta kulashaallwe nturi nta isimba! Shiniinga shoonga ya mwiina.

⁹Shilashe iwuura shikumine, Shaambe, “Nndumi Iruva mmbwe vi?” Ao shilashe iva nturi shiive, na itefusa irina lyafo woi Iruva wakwa.

¹⁰Kulafingye ishinga kindo kyeefingya kwa nndumi wakwe. Alashe ikudenga kukooywa kukee rengeny.

¹¹Kwiifo vandu vadengaa nde waawo, Nta valeanaa va maaye vawo.

¹²Kwiifo vandu vakulolyaa sheelyi mmbo vakee vesha, Ate nta mbakee veelise kirinda kyawo-fo.

¹³Veefo na vengyi-apaa ngoo shuu Mmbo vainyalaa wo kindo valollya.

¹⁴Kwiifo vandu mayoo awo akee sha usu. Na finankyo fyawo fivakkye fyaandu Vakudesye irafuna ngwera ta ulana Na vafwafwa vakee vanduny.

¹⁵Mruba atiri vana vavii va keny vavaangaa veeshaamba, “Shiniinga shiniinga!” Kwiifo findo firaru filawuraa ttwa! Ee, fiina filaambaa kiffye!

¹⁶Kwa varumu, Na nsanga ulawonaa, sumbai ilawuuraa mura, Na muro ulaambaa, kiffye.

¹⁷Nndu ainyala ndeeye Na iila kara nalaindya mae, Makukuru a imungony adolaa miso akwe Na ilyiwa nngoru.

¹⁸Nkwiifo findo firaru fikee fya wende kwakwa, Ee, findo fiina shilafimanyaa:

¹⁹Shia ya ngoru ng'iniu, Shia ya shoka iweu, Shia ya ngalava yeeveny, Na kindo kyomua nndummi ilanga nndu nka.

²⁰Ngaa ya nka ntusi n nyei: We nnyallyee, kaangata kana, Na yaamba, “Nshalelyamara nta kindo-fo?”

²¹Kwiifo findo firaru fireremisaa ulana, Ee, findo fiina kulaore ulana lulashiidimaa ifisisirya:

²²Ishinga livaa mangyi, Nrung'ani awuraa shoonga,

²³Nka kulaore asennyi karawa, Na nka kishinga kaipoo mwaanya wa nka muni kyeny.

²⁴Nkwiifo fyuumbe fiina finnywa deny ulaniny Indi fitiri urango deny:

²⁵Sisiri: mmakuru alatiri finya, Indi mmbo tisurumaa shoonga kyeeri kya mwi.

²⁶Mbelele: mmafisi alatiri finya, Indi mmbo atana mmba ando atiri iwe likwaallye-si.

²⁷Nre: ntitiraa mangyi-fo, Indi mmbo teendaa kwi matorito.

²⁸Isosoro: mmbo kushiidimaa ilyitira wokony, Indi mmbo lyangaa naakwa ni mmba ya mangyi:

²⁹Kwiifo fyuumbe fiina fitiri myeengye misha;

³⁰Miiso: ni ifisi lyitiri finya ngota moose; Nyereyaa lyingi nta lyimwi-fo,

³¹Ikyokoo: lliendaa kwa ukushombi, Lyingyi ni mburu ya woro, Na mangyi mbee ya vandu.

³²Kwakooya kwammba nrung'ani kutani kwakuitikisa kumuni, Ao kwakooya kukedesya findo firavi, Ringa kana kafo.

³³Mashika kwasisika malela kuwonaa mafura, Kwakapa nndu mmbwa ishuutaa samu; Naakiwo irosa unyafi mmbo kyendee mwaandu.