Read BIBILLYA Mareiyo Meele a Iruva FYAASO 9 Bible Online

FYAASO 9 - BIBILLYA Mareiyo Meele a Iruva bible

FYAASO 9

¹Urango usha ansongosya mmba yakwe, Mmba itiri ngo mfungare.

²Ashisha fyeelya, Andesya fyeena, Kaala mesa yakwe.

³Anruma mashinga akwe a kyika efo miriny. Va vaange vandu efo fidoroony.

⁴“Yeto wo moose akee ntondo nashe yaa!” Na yeto wo moose akee nrung'ani kammbia:

⁵“Osho, kulye shoonga, Kuni na wari shilerika.

⁶Lakana na utondo kukooye muu; Sora shia ya urango.”

⁷Mwiallwa nndu wa kiila mmbo awonisa firumu. Mwisakira nndu nkasha mmbo afurumya ivaviswa.

⁸Kulaikyimbe nndu atiri kiila-fo mmbo akuswaa; Ikimba nndu nrango nawe akukundaa.

⁹Losha nndu nrango nawe asheengeraa iva nrango. Losha nndu nsaari nawe asheengeraa irangwa.

¹⁰Iinndya Nndumi Iruva nlo uvasha lwa urango usha. Na imanya yeto mweele ni iwonisa urango.

¹¹Kwa ngarami yakwa yeny urango usha mikonu yafo isheengerekaa Kusheengerywa myaaka miingi muny wafo.

¹²Kwakooya kutiri urango usha llukuvesya yewe kumuni. Kwa ipala oshiny llwafo kumuni.

¹³Nka nrung'ani atiri ngula. Nnyeeshi kindo-fo nta nnyasuka-fo.

¹⁴Nyakaa rembo mwaangon wa mmba yakwe, Kavika kitima kyakwe ando a uwe yoo muriny.

¹⁵Kavaanga vandu vashiraa shia Veendaa mashoreny awo:

¹⁶“Yeto akee itondo ashe yaa,” Na yeto akee nrung'ani kammbia,

¹⁷“Mura wa unyinyi urolaa deny; Nkate ulyiwaa kirisi ukee nsha nnu.”

¹⁸Indi ntondo nneeshi sheelyi ni vandu vafiiye-fo Veny vakwe vakee kwa varumu.