Read BIBILLYA Mareiyo Meele a Iruva MWIILOSHA 10 Bible Online

MWIILOSHA 10 - BIBILLYA Mareiyo Meele a Iruva bible

MWIILOSHA 10

¹Nri tifiiye mmbo tareesa mafura mesha afwaamaa; Na urung'ani wunnywa nsele, Mmbo lushiidimaa yeende usutu nnang;ani ya vandu varango.

²Nrima wa nndu nnrango mmbo utanaa filya fisumani, Na wa nndu nrung'ani ukareta shia.

³Naakwa asheenda efo shia, nndu nrung'ani mmbo amanyikaa, Kamanyisyo wo nndu, sheelyi we ni nndu nrung'ani.

⁴Nshilyi kakurosya nyashi, yewe kulakunyaffwe-fo; Ikunyiisa lyaidima ifweerisa mwaandu nniini.

⁵Mmbo shilelollya ukasha uniini yaa ulaniny, shalollya mmbo luukye yefo kwaveeshillya:

⁶Vandu varung'ani vakaniingwa mashora a uwe mesha na masimba akeepalwa.

⁷Shilelollya vafungwa vesaamyi frasi, na masimba esheendaa na marende sha mashinga.

⁸Mwiisuma irina mmbwe muni ashoolokaa-fo, Neeto mwiifisha isimamba mmbo amaarwa nshoka.

⁹Mwiipasha mawe adoshwaa mfipalangasha fya mawe, Mwiipara-ngwi akwiise finaana fya ngwi.

¹⁰Kyaara kyeepara-ngwi kilakee kiinwe ni maariso,

¹¹Kwakwiisa kwammaa imaarwa nshoka, Mbusha nkwi ikai?

¹²Marero a nndu nnrango mmbo asaleesa nndu, Indi nndu nrung'ani nnyatuulwa ni marero akwe muni.

¹³Nndu nrung'ani mmbo apooka irera marero a utondo, Kawuya kainutya na ukwale ukasha.

¹⁴Marero meengyi ni a nndu nrung'ani. Nkwiifo nndu wa vandu ashiidimaa imanya efyo fisheshaa-fo, Nta imanya efyo fishetanyikaa numa yakwe-fo.

¹⁵Marero a nndu nrung'ani, ni mashora akwe muni, Nta iwuya kyeny, nnyamanyaa shia-fo.

¹⁶Woshi lwafo yewe uruka, mangyi wafo akee nkoo, Na vasongoru vanangwaa nkonu piti

¹⁷Ngoma ni yafo yewe uruka, elyi mangyi wafo akee nndu ntele, Na vasongoru vafo vakava vandu veiindya uramba.

¹⁸Kimaruma kya upalolo, mbeeu wa mmba ukapoloka, Kimaruma kya upalolo mmba mmbo irashaa.

¹⁹Shoonga mmbo yeengye nndu kafura, Na yaallwa nndu kava nkyesi elyi ana mfinyu, Na fyoose ni elyi nndu atiri fesa.

²⁰Nakwakwakooya kyikee efo nriminy wafo, kularere mangyi kyikasha, Nta nndu isimba nnakwakwakooya kukee efo kirieny kyelala, Ndeye ilasheiita unyanga lwafo, Neefyo firumbukaa nginiiu findeamba mbony tafo.