Read BIBILLYA Mareiyo Meele a Iruva KYIIMBO KYA FIIMBO 1 Bible Online

KYIIMBO KYA FIIMBO 1 - BIBILLYA Mareiyo Meele a Iruva bible

KYIIMBO KYA FIIMBO 1

¹Kyiimbo kisha kilanya ya fiimbo fyoose fya Solomony

²Nkyeni firomu fyafo fishimiminde, Mashika ikunda lyafo mmbo lyiikee isha kilanya ya mfinyu.

³Mafura afo mmbo akee ifwaama nisha nnu, Na irina lyafo mmbo lyikee sha marashi shilete, Kweekyo kwakundwa mmbana va kyeny.

⁴Shiipo, lweende swany, Mangyi ansheende kyirieny kyakwe. Llufuraa na ikapa n-ndoro kimaruma kyafo, Mmbo lurumishaa ikunda lyafo ngota mfinyu. Yee ni kya dede vana va kyeny mmbo vakwaani deny ikukunda.

⁵Yeni vaka va Yerusalemu, Yeny mmbo shikee muu piti Indi mmbo shisennyi sha meema a Kedari, Sha surumati ya Solomony.

⁶Mulasheting'wa nnu elyi shikee muu piti-fo, Mashika mmwi wanshikora. Vana vama mmbo veshisswa, Vakashaallwa nringyi wa marema a misabibu, Kya indi irema lyakwa shimuni nsheringa-fo.

⁷A nkye shivia-te nkunde vakwa wa nrima, Nkwi ndesa kushiisaa moonri afo? Nkwi ndesa ashiimuyaa kyeeri kya nkwaany. A nkyiki ndesa shikuruuye nnang'ani ya maronda a va-uroo? Nndu nsoro

⁸Yewe kukee nsha ngota vaka woose; Kwakooya kulaishi tana ule: Latya ngyayo ta yoonri; Naasany isa mburu tafo kufii na mmba ta veesi

⁹Yewe nkunde wakwa wa nrima, Mmbo kukee sha shau ya frasi ya mitika ya Farao.

¹⁰Ngushu tafo mmbo tisennywa nnu mfipulyi, Na singo ikasennywa mmise misha

¹¹Kya indi mmbo lukusongosyaa mise ya saabu, Ikee mishope nisha mfesa. Nndu nka

¹²Kyeeri mangyi eekee rembo kitiminy kyakwe, Mmbo kifwaamu kyakwa kisha kyekwaana wo ando.

¹³Nkunde wakwa wa nrima mmbo shillollye sha nkusha viishwe mane-mane, Ukee nnang'ani a mavee akwa.

¹⁴Nkunde wakwa mmbo awakyye kivaro kya ina kyikeevaa, Nndeny wa misabibu efo Engedi. Nndu nsoro

¹⁵Ni kya dede sheni mmbo kukee nsha nnu nkunde wakwa, Kya dede kukee nsha! Miso afo mmbo akee sha a mbeta! Nndu nka

¹⁶Ni kya dede sheni mmbo kukee nsha nnu yewe shikukunndye, Mmbo kukee nsha wende! Mare mavisi mmbo avaa kiri kyeeru.

¹⁷Ngo ta mmba yeeru ni mieresi, Na mapau avayo nnya miperoshi.