Read BIBILLYA Mareiyo Meele a Iruva KYIIMBO KYA FIIMBO 6 Bible Online

KYIIMBO KYA FIIMBO 6 - BIBILLYA Mareiyo Meele a Iruva bible

KYIIMBO KYA FIIMBO 6

¹Vaka Yewe nka kukee nsha kilanya, A nkwi eenda nafo nkunde yeto wafo? Mmbo eera na kwi nkunde yeto vafo Naambo lukutarame inruuya amwi neewe? Nndu nka

²Nkunde wakwa mmbo eenda nndeny wakwe, Ando fimu fimyaa nisha. We mmbo eesaa moonri akwe, Na isongosya fivaro fya liilyi.

³Yeny mmbwakwe nkunde wakwa, nawe mmbwakwa, Mmbo eesaa moonri akwe, Ando atiri fivaro fya liilyi Nndu nsoro

⁴Nkunde vakwa, yewe mmbo kukee nsha sha Tirsa, Nkusenyi sha Yerusalemu, Nkweeresye sha nseemu urye pendera.

⁵A nkye shiindutya miso tupu kushilole; Mmbo shikee isawukwa, Fii tafo nsha ironda lya mburu, tishoolokaa ifumbuu lya Gileadi.

⁶Mayoo afo nsha ironda lya moonri a kyika Akee yooloka ammaa isangywa. Wo lyimwi mmbo lyifeiye maasa, Na nkwiifo ngurana ifiyye-fo.

⁷Ngushu tafo mmbo tikee sha fyenga fivii fya ndunda shilenderi Numa ya shela yafo.

⁸Mmbo veefo vakamangyi makumi arindaru, vaka-va-shia makumi nyanya, Na vana va kyika valatiri yeekyena!

⁹Mbeta yakwa, nkunde wakwa nsha, ni umwi-nsi Mwana nkunde kwa maaye wakwe, We mmbo akee ngitany ya maaye. Vana va kyika mmbo vallolaa vakambaanga; nngoma, Vaka-mangyi na vaka-va-shia mmbo varumishaa, veeshiimbaa usha lwakwe.

¹⁰A mmbi yeto alolaa sha ngama nraasi? Nsha sha mwiiri akee ivaa sha mwi, Na akeeyeerese sha nseemu utiri pendera.

¹¹Mmbo shaanga nnda wa milosi Shishelola maa yefo imungony, Shilole kwakooya misabibu yambaa, Na miri ya ndunda tilya shirenderi tammbaa fivaro.

¹²Pari-pari nkunde wakwa, Kashivika mutikeny wa nndu nsuri kilanya.

¹³Wuya, wuya yewe mwana wa kyika Mshulami. Wuya, wuya naambo lukulole. Nndu nsoro N-naambokyi mwakunda ishilola Nshulami Sheelyi mulolaa mbasa ya miseemu ivii?