Read BIBILLYA Mareiyo Meele a Iruva KYIIMBO KYA FIIMBO 8 Bible Online

KYIIMBO KYA FIIMBO 8 - BIBILLYA Mareiyo Meele a Iruva bible

KYIIMBO KYA FIIMBO 8

¹A nkyema kweva mwana-maye wakwa, Loonngye ivee lyimwi! Mashika naakwa shikwaanye na yewe yefo kipoo, Mmbo shekumimindaa-nsi, lyo nkweekafo nndu ashiila-fo.

²Mmbo sheekurwaa kyeny kwa-ma ashiwona, Naambo kushiloshe ikunda, Nshekuritaa mfinyu nsongosye nisha naambo kuni, Mfinyu wakwa wa ndunda takwa shimamiri.

³Woko lwafo umuso mmbo lukee sumbai ya nrwe wakwa, Na woko lwafo usha lushishukure.

⁴Mmbo shamutereva woi na woi yeni vaka va Yerusalemu, Mulasye nta yaanta ikunda-fo, Kutani fyeeri fya-vayo fyafika fyeni. Vaka

⁵A mmbi yeu akeesha auka sakeny Eekusingaa na nkunde wakwe? Nndu nka Mmbo shilekwaanta rony sindeny ya ipeera Ando mau epookywa mmavavyo a ufee, Yee alya kwewonikya.

⁶Shivika sha kiring'isyo nriminy mbwafo, Yee, sha muuri maakony afo, Mashika ikunda mmbo llyitiri finya sha ufu. Kyififi, kyo nkinyaasi sha kyifu Yaaka lya ikunda mmbo lyikee sha yaaka lya muro, Fipala-pala fya vayo nsha fya muro ushaaka.

⁷Mura mwiingyi mbushiidimaa tara irumya ikunda-fo, Naakwa mmifu na mura wa kyisye ukasha mmbushiidimaa ilyikya ikunda-fo. Nndu kakunda yuura ikunda, kalyitaiya masaa akwe moose deny. Kindo ashekyiwonisaa nkyiila kyeni. Vakwaani na nndu nka

⁸Lutiri mfwamaye weeru n-du, kulaore ammesa mavee. A ndesa mmbo luntannyaa-kyi mfwamaye weeru Nkonu ashaalyikwaa?

⁹Kwakooya akee isimamba, Mmbo lweentannyaa uroro lwa fesa, Na kwakooya mmbo eekee ipoo, Lwenringaa na mapau a mieresi. Nndu nka

¹⁰Yeny mmbo sheekee isimamba, Na mavee akwa sha ngyuroro ta vayo. Mbee ya miso a nkunde wakwa, Mmbo sheekee sha mwiende urilalyi. Nndu nsoro

¹¹Solomony eetiri irema lya misabibu, Kulya Baal-hamoni. Kaara-fo varingyi, Wo umwi waawo kataa fiparwe fya fesa.

¹²Irema lyakwa lya misabibu ni irema lyakwa shimuni, Kya dede llyakwa mmuni! Naasa yewe Solomony, kukaye na fiku fyafo fya fesa, Na wo nringyi wa ndunda naniingwa weesi lwakwe lwa mayana avii.

¹³Yewe kukee nreminy, mbuya takwa mmbo vakee yaarannya unyanga lwafo; A nkye na yeny shikwaarannyi-dwa! Nndu nka

¹⁴Osho swany-te nkunde wakwa Sha sunu ao kyinaamburi urorony lwa mafumbu a mafura atiri mfwaamu nsha.