Read BIBILLYA Mareiyo Meele a Iruva YEREMIA 47 Bible Online

YEREMIA 47 - BIBILLYA Mareiyo Meele a Iruva bible

YEREMIA 47

¹Irero lya Nndumi Iruva elyo lyesheya nkisuku Yeremia kya Vafilisiti kulare Gaza yankapwa ni mangyi Farao.

²Kaamba, “Lola, mura mmbo ukesaama uuka taari ya ndoo, nato mmbo ushevaa mura mwiingyi, usheewalawala urukeny ushesikya findo fyoose fiifo. Miri na woose ewo vakee nnang'ani yaawo, na vandu mmbo vashekaba kyiiyo, neewo woose vakee urukeny mmbo vashekulaiyaa.

³Mmbo vashekooya yiita ntiri wa mbungashu ta frasi, na fireto fiirunduma fya makari akeyoomuwa ni frasi, nta vandeye valashindukya vana vawo, mashika elyi maako alakitiri wiidimi.

⁴Mashika nkonu yeto weelyamarwa ukeesha, Vafilisti woose mmbo vashelyamarwaa wooka Tiro na Sidoni na mweeki ungyi moose yeto ashekooywa-fo. Mashika Nndumi Iruva mmbo akeelyamara Filistia shoose, na valya vakee mbaa-mba ya Kafto.

⁵Vandu va Gaza vammayuta fii ta mirrwe yaawo toose, elyi vakeyiiya urumato lwa Askeloni, na vandu va Anakimu musaae-fo mmbo mukumamanyaa mufike-kwi?

⁶Ee, Yewe usu lwa Nndumi Iruva! Mmbo kushiibo kyeeri kyifye inda kulare kwamalallya? Wuya shombony yafo kwiimuye neemalallya!

⁷Mmbo kishiidimika kikwi, nawe Nndumi Iruva amma ivaniinga muumu wekaba? Askeloni na valya vakee mbaa-mba ya yeeve.”