Read BIBILLYA Mareiyo Meele a Iruva FIIYO 5 Bible Online

FIIYO 5 - BIBILLYA Mareiyo Meele a Iruva bible

FIIYO 5

¹Woi Nndumi Iruva kummbwa filya filelukooya. Lulle shaasa lwansuka.

²Masaa eru mmbo akee maakony a vandu veny, nawo nyefo mmba teeru vakai.

³Vande veru mmbo valewaawa mmisa vama veru vakarewa-u vaka va ding'u.

⁴Mmbo lukeyuura mura weena, na ngwi-da.

⁵Mmbo lwammaraa lwishumbutwaa sha mishungu na ngamula, lulashimuyaa.

⁶Naambo lukye muu, mmbo lulendetereva shoonga kulya Misri na Siria.

⁷Vande veru mmbo valelyamara lyo mmbakiiyo ulaalu-fo, lukalya ukiva yese ando awo.

⁸Yewo veelushillya mmbekee ni mashinga, lyo nta nkwiifo mwilwauwa maakony awo-fo.

⁹Misa mmbo akerua-rua kunu myuungony, yeeru, lukakaa nrengeny lwiisomukaa inderuuya shoonga.

¹⁰Shaa mmbo yalweengye lukaya muro, mwiili moose ukaya,

¹¹Naakwa ni vaka veru yaa Sioni kweni mmbo valekeeafinywa. Na kunu Yudaya koose vana veruu va kyika vakaafinywa womi.

¹²Vasongoru veru mmbo valekamarwa vakavanikwa, na vamiku veru nta valaindyo.

¹³Vasoro veru vakaitikywa isa nganu sha mashinga, vana veru va kyuumi vakasinga-singa veerye mario a ngwi

¹⁴Vandu veru vakuu mmbakekyiidima iimuya yoo ngiriny ya mwi-fo. nta vandu veru vakoo mmbakeekyikapa finanda-fo.

¹⁵Kweru ifura llyikiishiwa-fo, na mbasa teru tikaaluka kiiyo.

¹⁶Woshiny lweru, elyi luletana ulyamari, lwanreta ureto lweru.

¹⁷Ai mirima yeeru mmbo yamfwa deny. Misoru mmbo yammbwaa miso eru.

¹⁸Mashika ifumbu lya Sioni mmbo lyanrewa-u lyikalyamarika, na mabarwe mfo ammallwa kweeka,

¹⁹lyo ewe Nndumi Iruva kukee mangyi llung'anu, mmbo kushillya kuleefo umando.

²⁰A nkyiki elyi kulelura kifye indo? A nkyikyi kulalukumbwe lyingi?

²¹Luviire-dwa woi Nndumi Iruva, luviire na kwafo-dwa! Luviirye itumbe llya lya mbee.

²²A mmbo kwalulema llung'anu? A mmbo unyafi lwafo lulatiri umando?