Read BIBILLYA Mareiyo Meele a Iruva ESEKIELI 15 Bible Online

ESEKIELI 15 - BIBILLYA Mareiyo Meele a Iruva bible

ESEKIELI 15

¹Irero lya Nndumi Iruva lyikashisheya lyishaamba:

²“Yewe mwana wa nndu, mmbo kushiidimika inda, ukwi lwa nsabibu lwiilannyi ukwi, lwa iramba lya nsabibu lyikee yefo nnang'ani ya miri ya nturu?

³Ukwi lwa vayo lushiidimaa itana kindo kyoose? A vandu wootaa-u kivambo kyevanikau kindo kyoose?

⁴Oode, yekyo nkyeyaata muro-nsi; na mafurumyony kyikava ifu, mmbo kitiri mashora-ki mmwasi?

⁵Arannyante, llya kulaore kyankorwa murony, nkyetiri mashora-fo, a nshe ruu deny elyi kyammaa ivikwa murony na yaaluka ifu? Nkyitiri mbusha shoose-fo.”

⁶Kweekyo Nndumi Iruva mmbo aamba: “Ngata ilya ya ukwi lwa nsabibu nnang'ani ya miri ya nturu, ulya shileweera murony ukaata muro, ni indo shishetannyaa yewo va Yerusalemu.

⁷Yeny nshekapanaa nawo, valya vashaashuka murony ni kuti vamamitwa mmuro, llyo kumanyaa sheelyi yeny mmbwe Nndumi Iruva, kyeeri yekyo vashewoywaa ni ngapo yakwa.

⁸Mmbo shishaallwa uruka lwawo luve ukiva, kimaruma kya ngaa yaawo shikasha ya iimmbwa kyikusiryo kyakwa, ni yeny Nndumi Iruva shaamba.”