Read BIBILLYA Mareiyo Meele a Iruva HOSEA 5 Bible Online

HOSEA 5 - BIBILLYA Mareiyo Meele a Iruva bible

HOSEA 5

¹Aranyiny-te eni Vakohani, neeni vandu va Israeli marukyeny, Eni va mmba ya kimangyi, aranyiny. Rumbuyeny vandu fya usumanu naambo mulesheyuutywa uvingo! Mmbo mwava nsoori yoo Mizpa nreiyo efo Tabori.

²Kulya muri wa Acacia mukaengera ilyamara neeny mmbo nshemukabaa.

³Eni Israeli shimwiishi mmutiri ando mukusurumaa-fo. Mmbo valeshira na vandu vakwe mmbava ishiindya-fo.

⁴Mitanyi yaawo nnyivalotora waruuye Iruva waawo-fo, mashika utuusi llukee ngoony tawo, nta mbeeshi Nndumi Iruva-fo.

⁵Ikurosa lyakwe mmbo lyilollyo paa. Nkyo Israeli na Efraimu nkuti vawe kyeendwa ni uravi lwawo.

⁶Mmbo vashipoo ng'umbe tawo na suva indeutya Nndumi Iruva firaso, lyo nkivekyaa-fo. Mashika Nndumi Iruva alemmaa ivara, mmballollyaa-fo.

⁷Valenra Nndumi Iruva nta vana vawo mmbakee nawe-fo. Wo ulaalu na uruka lwawo mmbo vashelyamarwaa.

⁸Kabeny iranda lya fira kulya Gibea! Muvekaba wombe kulya Rama! Ongoreny kya fira efo Bethaven! Vandu va Benyamen, endeny fireny.

⁹Nkonu wa urumato ekau wansha, Israeli namamitwa. Vandu va Israeli eki nkuti kimusheye!

¹⁰Fisongoru va Yuda mmbo valesembera nnyanu na iiboo uruka lwa Israeli. Nkyo nshevapusuya unyafi lwako sha mmbwa.

¹¹Israeli mmbo akee mfote kavavywa. Kareta uruka lwekee usumanu lwakwe mashika nawe mmbo alenderuuya ngarami ando ilaiyoo.

¹²Mmbo nsherumataa Israeli na Yuda shiimamite.

¹³Kyeeri Israeli alelollya ndwari yakwe muni na Yuda kalollya fishavere fyakwe muni. Israeli keenda Siaria lukee uruka lutiri finya nanderuuyafo ngarami, lyo nalaoni-fo mwishiisa fishavere fyakwe-fo.

¹⁴Mmbo nshesheya Israeli na Yuda sha miiso. Shivarandwe-randwe fyenga fyenga shivaserye yoo. Shiivarufwaa na si nkwiifo nndu ashidimaa iveekya-fo.

¹⁵Mmbo shivaraa indo valye ukiva kimaruma kya ulyamari lwawo kutani elyi vasheshiruyaa. Kulakooye vakambavyo nnu vashirishyaa vashikooye.