Read BIBILLYA Mareiyo Meele a Iruva YOELI 1 Bible Online

YOELI 1 - BIBILLYA Mareiyo Meele a Iruva bible

YOELI 1

¹Irero lya Nndumi Iruva mmbo lyilesheya Yoeli mwana wa Petueli lyikammbia indi:

²Misabibu nayo ikanaa miri ya mikuu ikakunarya naakwa ni kukumanga, mitende na mtofaa, Yee-da miri myoose ya ireminy yamuuma Mashika ifura lyamanda vanduny.

³Ongoyeny vana vany mbony eti, nawo woongoye vana vawo, nawo vavie vashuku.

⁴Ironda numa ya ironda lyingyi na uleri, lyikalala uwe ya fimu filya filesaarwa-fo fikalyiwa ni mashanga na ngallya.

⁵Yeni vanangwa okyeny-te, muiye neekapa kiiyo. Kyeendwa nkyaanka kya wari wany, Mashika mmukiulollyaa lyingi-fo.

⁶Mashika vakiduva vatiri finya valavaa yeekyena vanshiraya, Mayoo awo akee sha a miiso niini.

⁷Mmbo valyamara fimu fyakwa fyoose vakaambuya fyoose si, kulasae-u nta kimu kimwi.

⁸Kapa kiiyo sha sambura iree soori ta kiiyo afiyyo ni mmi wakwe.

⁹Nkwiyoo kiraso kya nswa nta kya mfinyo kishutyoo Iruva-fo. Nkyo kimaruma vakohani vafulukyo neefwa (iiya).

¹⁰Marema nnyatiri kindo-fo, ni elyi nganu na ndunda tavayo tammamitwa tikooma, na miri ya mafura ikauma-da

¹¹Kimaruma kya nganu, elyi fimu filakiifo

¹²Misabibu nayo mmbo yanaa na miri ya ndunda tingyi ikarooma, Miri myoose ya mareminy ikooma Na ifura lyikawiika vanduny.

¹³Yeni vakohani raeny soori ta kiiyo. Ongoreny yeni veerundya ando kweele Oshony mulale shoovi, yeeni veefurukanya Iruva. Mashika elyi firaso lfya nswa na mfinyo filakiifo.

¹⁴Kootoyeny, musanyirye vandu, vamiku vasanyirye vandu woose Vaende mmba ya Nndumi Iruva waany vamfuuye.

¹⁵Woshiny lweru nkonu yeu, Mashika nkonu wa Nndumi Iruva ukee kufii mmbo ushaa sha urumato luukye kwa yeto akee Mwaafinya.

¹⁶A ndesa lluletura shoonga lwiilolaa indi? Lulaoni nta ifura efo mmba ya Iruva weeru?

¹⁷Mbeu lulevaaya tikapoya efo si. Mbeshe teru tikarewa ruu, na kai keru kakeela peru.

¹⁸Findo fyeevikya fikanangwa n'shaa, ng'umbe tikasavaa titura ura, na moonri nang'u akaona ukiva.

¹⁹Woi Nndumi Iruva shakufuuya-dwa kushilyillye, mashika elyi muro ulemamita mooro moose ando amwi na miri efo mareminy.

²⁰Naakwa mmafisi mmbo akeekufuuya yewe, mashika ngyusoka toose mmbo tileummya, na mooro moose akasia.