Read BIBILLYA Mareiyo Meele a Iruva AMOSI 1 Bible Online

AMOSI 1 - BIBILLYA Mareiyo Meele a Iruva bible

AMOSI 1

¹Yaa nng'u marero a Amosi ekee mwiisa moonri Tekoa, Myaaka ivii kulore kidinasi kyensha, kyeeri Uzia ekee mangyi ya Yuda na Yeroboamu mwana wa Yoashi ekee mangyi ya Israeli. Iruva kaora Amosi findo efi.

²Amosi kaamba, “Nndumi Iruva mmbo adina sha miiso ooka Sioni Kaonisa unyanga ooka Yerusalemu. Ura lwa findo fya weesi lukeeyuuma na mare yoo ifumbuny lya Karmeli akeeyuuma.”

³Nndumi Iruva kaamba, “Kya Dameski mbaletana ulyamari keengyi nkuti shikape uruka yelo mashika mmbo valeshinda Gileadi sha umbi vashinda Gileadi kwa miriri ya minya.

⁴Nkyo mmbo nsherikaa muro mmba ya Mangyi Hazaeli, nshekora na turuve ya mangyi Benhadad.

⁵Mmbo nshefisha-fishaa myaango ya muri wa Damascus, shuumbute vandu va imungo lya Avena na mangyi ya Beti-edeni. Vandu va Siria mmbo vashekamarwaa kwaasha vekee vafinge vanderawa urukeny lwa Kiri.”

⁶Nndumi Iruva kaamba, “Kya Gaza iwuiya ullyamari kyeengyi, neeny nsheekapaa. Mmbo valekumba vandu woose ushingeny Edomu.

⁷Mmbo nsherikaa muro muriny wa Gaza, shikore turuve yavayo.

⁸Na veshillya va miri yaawo nshevauta-fo va Ashadodi na mangyi ya Ashikelon, woko lwakwa mmbo lushekapaa Ekron na ngyeeri ya Vafilisti mmbo ishirumakaa ni Nndumi Iruva aamba.”

⁹Nndumi Iruva aamba, neeny nkuti shivakape, “Mmbo valerwa vandu va uruka loose ushingeny, kulya Edomu, nta valasore iirikyana kyaasa kya usandi Valevikyana.

¹⁰Nkyo mmbo nsherikaa muro efo muriny wa Tiro, shikore turuve tawo.”

¹¹Nndumi Iruva kaamba, shivakabe, “Mmbo valelyingillya vanavamaye vawo Vaisraeli sha mafisi, valavalyillye. Unyafi lwawo lluleora nnyanu-fo, nta llulemanda-fo.

¹²Nkyo mmbo nsherikaa muro muriny wa Teman shikore turuve tavayo ta Bozra.”

¹³Nndumi Iruva kaamba, “Kya Amoni iwuiya ulyamari keeengyi nkuti shivakabe. Naambo veengere uruka lwawo mmbo valeshisha vaka vakufingye va Gileadi.

¹⁴Nkyo mmbo nsherikaa muro muriny wa Rabba shikore turuve tavayo.” Kushekaa-fo kyoorongye nkonu wa fira, nayo fira isheruruma sha iruruma.

¹⁵Mangyi yaawo na vasongoru mmbo vashekamarwaa ushingeny