Read BIBILLYA Mareiyo Meele a Iruva MEEKYENA 30 Bible Online

MEEKYENA 30 - BIBILLYA Mareiyo Meele a Iruva bible

MEEKYENA 30

¹Naasa Mose karera na vasongoru va ngyufyari ta vana va Israeli, kavavia, “Nndumi Iruva mmbo alevavasya indi.”

²Kwakooya nndu avikya Nndumi Iruva kyaasa, ao, kwakooya alya mboo, nalaimmbwe mboo yakwe-fo, natani indo shaasa alesenda.

³Na kwakooya nndu nka avika kyaasa, ao kalya mboo, ekee kyeny kwa ndeye,

⁴na ndeye keeta, lyo kamalallya, fyaasa fyakwe mmbo finangaa, neekyo kyemfinngye kya mboo yeyo kyeengere ivanga.

⁵Lyo kwakooya ndeye ammulemya nkonu yeto aleita, kyaasa ekyo kyakwe nkivaa-fo, na Nndumi Iruva mmbo ansaryaa, mashika elyi ndeye alellemya.

⁶Na kwakooya ammaa yoorwa, ni mmi, kyeeri ekyo kya ivika kyaasa, ao kindo alekyaamba nalavikye-fo makusaro,

⁷na mmi wakwe keeta, nawe kamalallya, fyaasa fyakwe mmbo fivangaa.

⁸Lyo kwakooya mmi amwiima nkonu yeto amwiita arera, naasa kyaasa kyakwe mmbo kyamfika, na kya marero yoo aleamba nalavikye-fo makusaro, na Nndumi Iruva mmbo amusaryaa.

⁹Lyo kyaasa kya nka wa ding'u, ao kya nka alakannye na mmi, wo irero lyakwe lya kyaasa nkuti lyivange,

¹⁰Na kwakooya mmbo alevika kyaasa ekee na mmi wakwe, ao kwakooya mmbo alelya mboo muni,

¹¹na mmi keeta kamalallya sau naasany kyaasa kyakwe mmbo kivangaa,

¹²Lyo kwakooya mmi alema fyaasa efyo elyi amfiita, wo irero alelyirera na fyaasa fyakwe fishevaa ruu.

¹³Wo kyaasa, na mboo, naambo nndu nka naitire mmi wakwe ashiidimaa iivangisa ao iyallwa ruu.

¹⁴Lyo kwakooya mmi amalallya sau llyo avangisa deny fyaasa fya nka wakwe.

¹⁵Lyo kwankooya alema fyaasa efyo kyeeri afiita, we llyo ashiipoo uravi lwa nka wakwe.

¹⁶Yaa nng'u mavavasyo alya Nndumi Iruva alevavasya Mose, kya nndu na nka-akwe, kya nndu na mfu elyi akee nkoo, ekee kyeny kwa ndeye.