Read BIBILLYA Mareiyo Meele a Iruva HABAKUKI 1 Bible Online

HABAKUKI 1 - BIBILLYA Mareiyo Meele a Iruva bible

HABAKUKI 1

¹Elyi llyo irero lya Iruva alesukuyo Habakuki.

²A Nndumi Iruva, shiiye fika indii kulasharannyaa-dwa? Mmbo nkukufuuya kyeendwa ni uravi lwa vandu vakwa lyo kulalutarami.

³Elyi kwashoora uravi, na uumu lwa mirima? Mashika urumato na uravi nyoo misony akwa fikai: myaandu na fiwakyanu fyavayo.

⁴Nkwifoo nsumanu-fo kimmba sharia ileefo. Vandu vakasha mmbo vakeshingillya valya va usumanu. Kimmba ni indo myaandu ikarumbuwa kifuri.

⁵Naasa Nndumi Iruva kavia vandu vakwe, “Sengetyeny mulole vandu yewo vamuringitye-te, mufulukyo.” Mmbo nshetanaa kindo kya yaawuta.

⁶Mmbo nshendee Vababeli, nawo mmbo vatiri finya vakaveva vandu vasavaa. Nawo mmbo valangye ikwaana masangeny vashillye-fo.

⁷Mmbo veeresye vakalollya wo veni mmbo vamaye deny.

⁸Frasi tawo mmbo tirishaa ngota nyamandu tikanyaasya ngota ngare. Vesaama frasi vawo mmbo vafikaa kwaasha verumbukaa sha uviri vekurosaa.

⁹Itorito vawo mmbo veenda na finya naambo vavinge, na wo nndu avalollya karerema. Mmbo vatira mifungwa veengi sha nsanga.

¹⁰Mmbo vainyala vamangyi neemina vaniini va vandu. Nkwiifo turuve ivasiikaa-fo nkuti vaiwunndwe.

¹¹“Mmbo vavivita sha uraato na finya yaawo nnyo iruva lyawo.”

¹²Woi Nndumi Iruva yewe ni Iruva, uka elyo mbee shushi yewe ni Iruva wakwa, kukee mweele wa llung'anu. Nndumi Iruva wakwa na nringi wakwa. Mmbo kwavaanga Vababeli kwavaniinga finya naambo valukabe.

¹³A mmbo kushiidimaa inda isisirya vetanaa makasha, nawo vakee vakasha indo? Miso afo yewe Iruva ni meele nnyasisiryaa ilola efyo-fo. A nkyiki kumalallye kwilolaa velyamaraa vandu vakee ng'waana ngota wo veni?

¹⁴A mmbo kushallwa indi vandu vave sha makunga efo mureny or sha nkuka wa saafu tilatiri nshilyi?

¹⁵Vababeli mmbo vawara vandu na ngorori sheelyi vatiraa makunga. Vakamaa awara vakakapa kilewa vefuraa.

¹⁶Vakooka-fo vakeendya mireiyo yeyo yaawo vakayuutya firaso, mashika elyi valollye mireiyo yeyovantira fiingyi fikavawuutisa.

¹⁷A mmbo vashengeraa irunda na ngyusu tawo vamamite masanga na unyaasi indo?