Read BIBILLYA Mareiyo Meele a Iruva HAGAI 1 Bible Online

HAGAI 1 - BIBILLYA Mareiyo Meele a Iruva bible

HAGAI 1

¹Nkonu wa mbee wa mwiiri wa karindaru wikee mwaka wa kavii wa ushilyi lwa mangyi Dario wa Persia, Nndumi Iruva alerera na nkisuku Hagai. Rumi yekee yeende kwa nshilyi wa Yudaya we Sarubabeli mwana wa shalitiaeli na kwa nkohani nniini we Yosua mwana wa Yehosadaki.

²Nndumi Iruva kammbia, Vandu yeva mmbo vaamba kyeeri eki nkivaa, ishetana mmba ya Nndumi Iruva-fo

³Llyo Nndumi Iruva aleruma nkisuku Hagai naambe,

⁴A eki nkyo kyeeri kyany kyekaa mmbeny shisha ta mapoo mashope lyo mmba yakwe iilyamarikye?

⁵Naasa ulaalu Nndumi Iruva muni matorito amuvia, kyany nkyuumu.

⁶Mmbo muvaayaa mbeu nkuka lyo mwiilule fyaangu. Mulye shoonga deny, lyo mmuwuraa-fo, neena muni lyo umushukwaa nnyura-fo. Murae soori lyo mure mulaita nrike. Neeto mwiiwona weesi navike mbolokony tidoshikye.

⁷Nndumi Iruva muni matorito aamba kusareny kyany nkyuumu.

⁸Rweny na nturu mundemaya-fo firi fyeetana mmba yakwa, shisennywa, shutikisyo-u.

⁹Mwevikye nsia wa iwonisywa fiingi lyo mukawonisa fyaangu-da. Na llya mulefyeende kyeny neeny shafivivita. Kiteve? Mmashika elyi mulera mmba yakwa ikalyamarika, lyo yeni wo nndu karishya kyeny kwakwe.

¹⁰Naasany ulaalu nkushaa nta laura sheni-fo, na fimu mmuwonisaafo kyeendwa nnyeni.

¹¹Naasa sharika mwi ukasheya uruka, na mafumbu a miise fimu fya uruka, misabibu, miri ya mafura, na findo lfyoose, vandu, na findo fyevikya, amwi na mashora a maako moose.

¹²Naasa vande eva Sarubabali wa Shealtieli na Yosua wa Yehosadak ekee nkohani nniini, ando amwi na vandu ewo valeidimaa iwuya wooka Babilony, vakasora ekyo Nndumi Iruva waawo alevavia, na shaasa nkisuku Hagai alevavia arumwa ni Nndumi Iruva kavavia, vandu vakairyaa.

¹³Hagai kavia vandu, “Nndumi Iruva aamba akee neeni.”

¹⁴Nndumi Iruva, kakaarisa nrima wa Sarubabeli, na Yosua kiwo, na vandu yewo valewuya nawo vakeenda vakanderundya mmba ya Nndumi Iruva,

¹⁵Iruva waawo, nkonu wa makumi avii na kaana mwiiri wa karindaru, wiikee mwaaka wa kavii wa ushilyi lwa mangyi Dario.