Read BIBILLYA Mareiyo Meele a Iruva MALAKI 4 Bible Online

MALAKI 4 - BIBILLYA Mareiyo Meele a Iruva bible

MALAKI 4

¹Manyiny-te nkonu yeto wa Nndumi Iruva wiifo ushaa. Mmbo ushelollyoo sha muro nniini. Yewo veekung'anisa veni na varavi vashevaa sha muulu. Nndumi Iruva wa matorito mmbo aamba nkonu eto mmbo ushemamitaa vandu kulashesaau nta nri ao itavi.

²Kyeendi veindya irina lyakwa, mwi wa usumanu mmbo ushemuvaiyaa, mushekukyela-kyela sha ngashe mwiifuraa.

³Mushevavara varavi ewo, vasheva sha ifu efo si ya marende any nkonu yeto, ni Nndumi Iruva aamba, muni matorito.

⁴Ringeny mavavaso alya a Mose we nrumi wakwa yoo shilenrambikya alya ifumbuny neengye vana va Israeli. Nng'u mavavasyo na uvavaso.

⁵Na lyingyi nshemurikyaa nkisuku Elia, kulaore nkonu yeto wa Nndumi Iruva wansha, yeto nniini weeresye.

⁶Nawe mmbo asheindutaa mirima ya vandu iwuiye vana vawo. Nayo mirima ya vana iwuiye vande vawo, naambo shilashekaba ulana elu na kidengo.