Read BIBILLYA Mareiyo Meele a Iruva NKUMBUYE WA UVAVASO 13 Bible Online

NKUMBUYE WA UVAVASO 13 - BIBILLYA Mareiyo Meele a Iruva bible

NKUMBUYE WA UVAVASO 13

¹Naasa efo kwany kwakooya ashekuboo-fo nkisuku ao mwooriya moorya nawe natani kirinyiswa ao ngyende,

²nakyo kyikava shaasa aamba, namuvieeny, “Ulaalu lulatye maruva engyi, lueendye,”

³yewe kulaarannye marero a nkisuku yeto-fo, ao a mwoorya moorya-fo, mashika ekyo nsha kyeeso Nndumi Iruva, Iruva wany amurikya nalole kwakooya munkundye kifye inda efo miriminy yany.

⁴Vallyeny na Nndumi Iruva waany, mwiinndyeny muveringa mavavaso akwe, na yaarannya unyanga lwakwe, mundundye neekutira nawe.

⁵Naasa nkisuku yeto ao mamoorya yeto nawaawa, kimmba aamba findo filasumani kwa Nndumi Iruva, Iruva waany, yeto alemuuta kulya Misri, kakuwouwa kulya mmba ya ushinga, neeto vai mmbo akunndye ikweeveta nakuute shieny yeyo Nndumi Iruva alekoora kuisore. Yeyo nnyo shia ya yuuta uravi efo kwany.

⁶Ao kwakooya mwanamau, mwana wa mau, ao mwana wafo, ao mfu wafo, ao nka wafo nkunde, ao mbuya yafo ya nrima, akuvia Nnde lundeinndya maruva meny kulaeeshi,

⁷shaasa vandu yewo va ngyuruka tingi vatanaa, vakava vakufii ao vakwaasha,

⁸nndu sha yeto kulamwaarannyi-fo nta kulamwiirikye-fo, na kulansarye fo, nta kulanre-fo,

⁹nkuti kummbwae, woko lwafo lusonngwe inkapa, llyo vengyi vasoryeny.

¹⁰Nkapeny na mawe kutani afwa, kiimmba eekunndye ikweveeta kuuke kwa Nndumi Iruva, Iruva wafo, yeto alekuuta kulya Misri ushingeny.

¹¹Llyo na Israeli woose vashiitaa vakooye yiiryaa, vare valatana kindo kiroo kwawo.

¹²Naasa kwakooya kweeta sheelyi efo miriny yeyo Nndumi Iruva, Iruva waany ashemuvikaa-fo,

¹³kwansha-fo maraami a vandu, nawo vakeeveta vandu, veshaambaa, Syeny lundeinndya maruva a wongo

¹⁴naasa yewe llyo kuvesaany neeruuya, kwankooya niindo dede, neewe kwalollya dede uravi yelo lwantannyika,

¹⁵Naasa vandu va muri yeto vawaawa noosu vamamitwa deny, na findo fyawo na findo fyeevikya nafyo, fiwaawa.

¹⁶Na findo fyawo fyoose fisanyiryo yoo shia, na muri yetu ukorwa na muro, five sha kiraso kyeekora na muro, lyo muri yeto urewa irama, ulakitanwase-fo

¹⁷Kulaipoofo kindo kyoose kikee kitefusu-fo, naambo unyafi lwa Nndumi Iruva lulasheekusheya, nawe llyo akulyilyaa neekufumbuta shaasa alevikya vakuu vafo kyaasa,

¹⁸kwakooya kwaarannya unyanga lwa Nndumi Iruva, wafo kwiilatyaa mavavasyo akwe yaa nkeekuniinga inu, kutani efyo fisenyi Nndumi Iruva wafo.