Read BIBILLYA Mareiyo Meele a Iruva NKUMBUYE WA UVAVASO 14 Bible Online

NKUMBUYE WA UVAVASO 14 - BIBILLYA Mareiyo Meele a Iruva bible

NKUMBUYE WA UVAVASO 14

¹Yeni mmbo mukee vana va Nndumi Iruva, Iruva weeru; kyeeri mukee kiiyony muloote ivoya shaasa vengyi vatanaa-fo.

²Mashika yeni mmbo mukee vandu veele va Nndumi Iruva, wafo, neeni Nndumi Iruva mmbo alemusauwa muve vandu vakwe, torya ngota vandu vengyi woose yaa ulaniny.

³Nta kulalye kindo kitefusu-fo.

⁴Nyama mulyaa nnya ng'umbe, na yoonri na mburu,

⁵sanga na iluny na sarya, na iputu, na finamburi,

⁶na wo ngata yeto tikwaavye tiparikye mbungashu, tirafunnyaa mura nto mulyaa.

⁷Kyeendi yefi filarafunnyaa mura mulalye-fo, na mbungashu ta vayo tikwaavye ni ngamula, sungura, mmbo fikee fitefusu kwany,

⁸na nguve nayo ikwaavye mbungashu, lyo nnyirafunyaa mura-fo, nkyo nguve nshitefusu, mulalye nta mulaipaane naakwa ifiiye-fo.

⁹Na yefyo fya mureny ni efi mulyaa, mfyo efyo fitiri maaru na malalu,

¹⁰lyo ekyo kilakee indo mulalye-fo, nkitefusu.

¹¹Ndeye toose tilakee shitefusu kulyiiyeny.

¹²Lyo ndeye yeti mulatilye-fo,

¹³nto uviri na ngoru, nansha, na yeto titivakye,

¹⁴na makukuru a ngata toose,

¹⁵na nyaa, na nnyinyiro na ngata ta vayo toose;

¹⁶na mafururu a ngata toose, na mamunyunyu

¹⁹na makuru moose atiri maaru lyo akakuruffwa efo si, mulalyefo.

²⁰Lyo ndeye yeto shisha kulyiiyeny.

²¹Loleny mulasheelya kindo kyoose kyafwa tin, lyo muny akee kwafo we nakullye, ao kukummbye veny, mashika lyo yewe mmbo kukee ufyari weele lwa Nndumi Iruva wafo. Kulashishe ngurana ya mburu ao yoonri ikeyoonga-fo.

²²Mulare mulauta firaso fya kyenga kya ikumi-fo kuuta efo fimuny fyafo fyoose-fo, wo mwaaka tana indo.

²³Enda mbee ya Nndumi Iruva wafo yoo akuvavasye kusenndyeu irina lyakwe, kweendeu firaso fyafo fya kyenga kya ikumi fya fimu na mfinyo, na mafura, neefyo fiwonikye fya mbee fya ng'umbe na mburu na moonri, elyo llyo ikulosha yiinndya Nndumi Iruva wafo kyeeri kyoose.

²⁴Na elyi kwakooya kyaaro nkyaasha ikooya ando yoo Nndumi Iruva wafo akusawuye nakuvikyen mbora,

²⁵llyo kufyaalasha fyaaluke fesa kweende nato fika yoo Nndumi Iruva wafo akuvavasye,

²⁶na fesa yeto ura nato kindo kyoose, ng'umbe ao mburu ao suva shaasa kukundaa, kundelyiiyan yoo mbee ya Nndumi Iruva wafo, kufuryeny yewe na va mmba yafo;

²⁷na Llevi yeto akee kwafo kulanrekyo, ni elyi nalatiri ding'u sha yewe.

²⁸Masiiyony a wo mwaaka wa kararu, uta kyenga kya ikumi kya findo fyafo fyoose,

²⁹kimaruma kya Llevi elyi nalatiri ding'u ingyi, na kya muny akee kwafo, na nka wa ding'u na mwana wa ngwera, naambo valye neewuura, naambo Nndumi Iruva, Iruva wafo nakuvikye mbora efo mashoreny moose a maako afo.