Read BIBILLYA Mareiyo Meele a Iruva NKUMBUYE WA UVAVASO 18 Bible Online

NKUMBUYE WA UVAVASO 18 - BIBILLYA Mareiyo Meele a Iruva bible

NKUMBUYE WA UVAVASO 18

¹Makuhani, wo Valevi woose, valaniingwa ding'u sha vana va Israeli-fo mmbo vashelyaa firaso efyo fishuutwaa kwa Nndumi Iruva yeto teekorwa na moro, nnyo ding'u yaawo.

²Nta valave na ding'u yuuka kwa a vandu vawo-fo, kimmba Nndumi Iruva mmbwe ding'u yaawo, shaasa alevavia.

³Neelo llo usumanu lwa makohani yuuka kwa valya vakeniinngya firaso, nto ng'umbe na moonri, nawo mmbo vaniinngya makohani urende lwa mbee, moondu avii na maala.

⁴Fimu fya mbee-kilekwalekwa kya fimu fyafo fyoose na mfinyo wafo, na mafura na mafwaa a mbee a moonri afo, kuutye Nndumi Iruva.

⁵Mashika Nndumi Iruva wafo mmbo alesauwa Valevi wooka efo vanduny vafo, naambo varunde na irina lya Nndumi Iruva wo na vana vawo llung'anu.

⁶Na kwakooya llevi asha ooka ando koose kunu Israeli kasha mbee ya Nndumi Iruva,

⁷narunndye Nndumi Iruva, wafo shaasa vandu vengyi vakeetana yewo vakee Valevi,

⁸vaniingwa waavi lwawo lwa shoonga nasande na efyo fikumbwaa fya ding'u ya ndeye.

⁹Elyi kumaa yaanga efo urukeny yelo Nndumi Iruva wafo akuniingaa, lola kulasheetana uravi sha vandu va masanga yoo engyi

¹⁰Nta kwany nalalollyo-fo nndu akora mwana na muro ave kiraso kya maruva-fo, ao iwara urengu, ao ilollya fiifo fyeeri fisha na fikasha, ao yaawuya findo,

¹¹nta kulakaefo vandu vasheeraa vengyi, nta vasavi na veelafya, ao mwiitereva varumu.

¹²Mashika nndu mwiitana efyo mmbo arosya Nndumi Iruva unyafi, na kimaruma kya vayo Nndumi Iruva wafo namuumbute mbee yakwe.

¹³Kuve nsongovisi kwa Nndumi Iruva, wafo,

¹⁴Mashika vandu yewo woose kushevashillyaa va masanga engyi wo mmbo veenndyaa fyeeri neewara urengu, lyo yewe, Nndumi Iruva wafo mmbo akuvavasa kulatani indo.

¹⁵Nndumi Iruva, Iruva wafo mmbo ashekuutyaa nkisuku efo vanduny vafo shaasa yeny shikai, neeni mwaaranyinny-te.

¹⁶Shaasa llya kuletereva Nndumi Iruva wafo alya Horebu irondeny llya lya vandu, kwaamba, “Shilasheita unyanga lwa Nndumi Iruva wakwa, nta ilollya muro yeu nniini indi-se mashika mmbo shifwaa.”

¹⁷Naasa Nndumi Iruva kashivia, “Vandu yeva mbarera kikashafo

¹⁸yeny mmbo nshevautyaa nkisuku akuvakye efo vanduny vawo, shivike marero akwa efo kaniny kyakwe namuvye fyoose shaasa nshemmbavasyaa.

¹⁹Na yeto araa nalaarannya marero akwa yoo ashererwaa ni nkisuku yeto na irina lyakwa mmbo nshentaiyaa

²⁰Na nkisuku yeto ashereraa marero alakwaani na irina lyakwa kyikava ni kya makusaro akwe muni, ao karera na irina lya maruva engyi, we nkuti nafwe.

²¹Neewe kwakooya kwaamba efo nriminy, ‘A mmbo lumanyaa inda irero elyo mmbo luunkye kwa Nndumi Iruva?’”

²²Kyeeri nkisuku areraa na irina lya Nndumi Iruva nakyo kire kilava indo shaasa aamba, naasa ekyo nkyooka kwa Nndumi Iruva-fo, mmbo arera kya nrwe wakwe muni, neewe kulamweereye-fo kulamwaaranyi-fo.