Read BIBILLYA Mareiyo Meele a Iruva NKUMBUYE WA UVAVASO 25 Bible Online

NKUMBUYE WA UVAVASO 25 - BIBILLYA Mareiyo Meele a Iruva bible

NKUMBUYE WA UVAVASO 25

¹Kwakooya vandu vavii vatiri mwaandu nato ukeenda kwa veerummbwa ulya wa usumanu naniingwa, na ulya weekapwa nakapwa.

²Na ulya akapwaa naarwa si nafiikye kisangu si, nakapwa mbiiri kiinani na uravi lwakwe.

³Nakapwa mbiiri makumi aana, lyo tilailannye-fo, naambo nalasheesuka nnu yoo vanduny yewo vaiyo.

⁴Kyeeri ng'umbe tikeesisa nganu tilafingwa kana-fo.

⁵Kwakooya vana va nka vakee ando amwi yeto umwi afwa nalareu mwana, nka yeto arewau nalaorwa ni nndu ungyi-fo kuuta mwanamaye yeto naambo nambonisye muyading'u

⁶Na mwana mbee yeto awonikaa navaangwa irina lya yeto alefwa, naambo irina lyakwe lyilareke kunu Israeli.

⁷Na kwakooya nndu yeto alema irwaa nka yeu wa mwanamaye, nka yeu nasore vamiku navavie indi, Mwanamaye wa mmi wakwa mmbo alema ishirwaa nawonisye mwanamaye irina kunu Israeli, nnyakunndye ishitannya yekyo kisumanyi mwanamaye wa nndu-fo.

⁸Naasan na vamiku va muri vakwe vammbaange varere nawe, nawe kwakooya eengera ilema,

⁹llyo nka yeto nasembeye mbee ya nndu yeto yoo mbee ya vamiku yewo namuute kyaaru kimwi, nammishye maare efo kisanguny nambie, Nndu alema isaleesa mmba ya mwanamaye natannyo indo.

¹⁰Llyo irina lyakwe lyishevaa, “Mmba ya muutwa kyaaru kunu Israeli.”

¹¹Elyi womi vavii veefo vakapanaa, na nka wa umwi waawo kasha ivaleta lyo katira nndumi yeto ungyi efo kwasi.

¹²Rummbwa woko lwa nka yeto, kulansarye-fo.

¹³Elyi kwiifo kukumbaa findo kulatire mawe a ngata shiingyi, niini na shidu.

¹⁴Kulalembe-fo.

¹⁵Nkuti kutire iwe lyimwi nsi llyo kyeeso kya usumanu, naambo kuwoni suku shiingyi yaa urukeny kwaniingwa ni Nndumi Iruva, Iruva wafo.

¹⁶Mashika yewo veetana filasennyi Nndumi Iruva mmbo vamweengye unyafi.

¹⁷Kummbwa shaasa Vaamalekyi valemutannya mwiishuukaa Misri.

¹⁸Shaasa valekapa vandu vafo vafwafwa llya vemmaariswa nkyaro vakarewa, nta valairyee Iruva.

¹⁹Naasany elyi Nndumi Iruva wafo ashekwiimurisaa urukeny yelo, vakiduva vafo mmbo yewo ngota vandu vengyi, vamamite deny, nta kularekyo ekyo?