Read BIBILLYA Mareiyo Meele a Iruva NKUMBUYE WA UVAVASO 27 Bible Online

NKUMBUYE WA UVAVASO 27 - BIBILLYA Mareiyo Meele a Iruva bible

NKUMBUYE WA UVAVASO 27

¹Naasa Mose na vamiku va Israeli vakavia vandu, Mmbo musoraa nisha efi fyoose shamuvavasya inu.

²Na nkonu yeto musheangaa urukeny yelo mukilye Yordan, urukeny yelo Nndumi Iruva wafo akuniinga, mmbo kushesaleesaa mawe avii maniini kuaambe yeela,

³kureiyeny mavavaso yaa moose, llo uruka yelo lwiishwe malela na wuki, shaasa Nndumi Iruva wa vande vafo alekuvikya kyaasa

⁴Shaasa mumaa ikillya Yordan saleeseny mawe yoo, yoo ifumbuny lya Ebali kuaambe yeela.

⁵Na yoo nng'u kutannyaa Nndumi Iruva kitara kyeerasya kya mawe, kulasande-fo minya-fo.

⁶Tana kitara ekyo kyeerasya Nndumi Iruva wafo kukitani na mawe alakee mabashe, kuutye nng'u Nndumi Iruva wafo firaso fyeekora na muro.

⁷Yoo maweny kureiyeny marero a mavavaso yaa kuvike na firaso fya ufoo, neewe kulyeny shoonga neefura mbee ya Nndumi Iruva wafo.

⁸Yoo maweny yoo kureiyeny nisha mavavaso yaa moose.

⁹Mose na makohani wo Valevi vakavia vana va Israeli, Syen-do mwaarannye yeni Israeli, Inu mmbo mwava vandu va Nndumi Iruva waany.

¹⁰Nkyo mmbo mushiindyaa unyanga lwa Nndumi Iruva waany mkutani, shaasa nkeemuvia mavavaso akwe.

¹¹Nkonu yeto mweni Mose kavia vandu,

¹²vandu yeva vasalale yaa ifumbuny lya Gerisimu vavikyony mbora, mukammaa iruuka Yordan mmbo Simion na Levi na Yuda na Iskari na Yosefu, na Benyaminy;

¹³neeva vasalale uwe ya ifumbu lya Ebali kyeeri kya usakiro, ni Ruben na Gadi, na Aseri na Sabulon na Dani na Naftali.

¹⁴Na Valevi varouwe vavie vandu na unyanga uniini,

¹⁵Nndu moose ashesongosyaa ifwanu lyeebasha nadengwa ao ya yuumba, mmashora a maako avavisaa Nndumi Iruva. Na vandu woose varouwe na yaamba: Amen!

¹⁶Neeto mwiimina ndeye na maye, nadengwa. Na vandu woose varouwe, Amen.

¹⁷Neeto asembera nnyanu wa ungyi, nadengwa, Varouwe, Amen

¹⁸Neeto aretaa nndu mfu miso shia, nadengwa, Varouwe, Amen.

¹⁹Neeto asheevetaa usumanu lwa muny mwana wa ngwera ao nka wa ding'u na vandu woose, Varouwe Amen.

²⁰Neeto mwiilala na nka wa ndeye, nadengwa, mashika mmbo asukwa ndeye. Na vandu woose varouwe, Amen.

²¹Neeto alalaa na ifisi lya ngata shoose, nadengwa, woose vaambe, Amen.

²²Neeto alala na mwana wa maye, ao wa ndeye, woose varouwe, Amen!

²³Neeto alalaa na maye wa nkaakwe, Woose vaambe Amen.

²⁴Neeto alaaya ungyi nenkapa, nadengwa, Woose vaambe Amen.

²⁵Neeto awarya weesi lweewaa nadengwa, Woose vaambe Amen

²⁶Neeto alavangisaa marero a uvavaso yelu, nadengwa, Woose vaambe, Amen.