Read BIBILLYA Mareiyo Meele a Iruva NKUMBUYE WA UVAVASO 33 Bible Online

NKUMBUYE WA UVAVASO 33 - BIBILLYA Mareiyo Meele a Iruva bible

NKUMBUYE WA UVAVASO 33

¹Na yei nnyo fwaa ya mbora ya nndu eto wa Iruva Mose alevikya vana va Israeli kulore amfwa,

²Nndumi Iruva mmbo alelollyo alya Sinai, kakoora nawo alya Seiri Kavaa sha mwi alya ifumbuny lya Paran Kasha na fiku fya vasu, na muro ushaakaa wokony lwakwe.

³Ni dede akunndye vandu vakwe Veele woose mmbo vakee maakony akwe Vakakaa marendeny afo, Wo umwi ashearannyaa marero afo

⁴Mose aleluvya lwiindye uvavaso, nnyo ding'u ya vana va Yakobo

⁵Kavaka mangyi ya Yeshuruni Kyeeri ngyufyari toose ta Israeli tilesannyiryo.

⁶Ruben nakae na muu llyo vandu vakwe vakee vaangu,

⁷Na kya Yuda, woi Nndumi Iruva vaarannye unyanga lwawo, Natire finya vanduny vakwe, nave ngarami shisha fireny.

⁸Na kya Levi kaamba, Niinga Levi Thumimu yafo, na Urimu lwafo eto wafo wa kimangyi eto kulemweesa kulya Masa alekweesa na Urim na Tumimu alya Masa Yeto kulewakyana nawe alya mureny wa Meriba.

⁹Yeto alesenda ndeye na maye, lyo shilallollye, Nta vana va maye nalavairikye Mmbo aleirikya kilya kuleamba, kavetira kyaasa kyafo,

¹⁰Mmbo valoshaa Yakobo usumanu lwa Iruva Na Israeli vamanyi uvavaso lwafo

¹¹Woi Nndumi Iruva, mmbikye mbora findony fyakwe, Kuringe mashora a maako akwe Na vakiduva vakwe kuvarengwe Neewo vansuuye valakisalale-fo.

¹²Kya Benyaminy kaamba, Nkunde wa Nndumi Iruva mmbo akukaya kipwa kwakwe, Kimmba ansikye kyeeri kyoose kakaa maakony akwe.

¹³Na kya Yosefu kaamba, Nndumi Iruva navikye uruka lwakwe mbora Laura ya mbora yuuke iruveeu Na mbora iveuka efo si

¹⁴Na mbora ya ndunda, na ya fimu

¹⁵Na ya findo fisauwe fya kasha na fya llung'anu.

¹⁶Na mbora ya findo fya uruka Na iwaryo lyakwe alya ngoroshon ilya yaaka muro, Isheye yewo vakee va Yosefu, ilollyo yoo uwe ya nrwe.

¹⁷Umangyi ni lwa mwana wakwe mmbee mbembe takwe tive sha ta mboo Nakuni nato vandu va masanga, veende kwaasha, Ni fiku makumi fya Efraimu, mfiku fya Manase.

¹⁸Na kya Sabulon kaamba, Ewe Sabulon kyesa, elyi kwiifo kusomukaa Nawe Iskari kiwo

¹⁹Mmbo mushevaanga vandu va masanga vamusheye vasange yuuta firaso fya usumanu, Mashika vasheonaa mbusha efo yeeveny, Neefyo fyoose fiwonikaa efo nsangeny wa yeeve.

²⁰Na kya Gadi kaamba, yeto akundya Gadi mesha navikyo mbora mashika mmbo avakye miiso ya kyika Kimmba atiri finya sha yo.

²¹Kasauwau waavi lwakwe usha Mfo waavi lwa muni usumanu lukai Kasha ando amwi na vasongoru va vandu.

²²Na Dani kaamba; “Dani mmwana wa miiso, akillya ooka Bashani.”

²³Na kya Naftalyi kaamba; “Woo Naftalyi, kuwuurye ilyillywa na yiishikwa; simbo ta Nndumi Iruva tira Iruva na taari ya sinde.”

²⁴Na kya Aseri kaamba; “Simbo vana na ngota vana woose va Yakobo; nakundo mmbana vamaye woose noolote urende lwakwe mafureny.”

²⁵Mitaato yafo ivaa na minya na arera; na wiingyi lwa mikonu yafo llushevaa llo finya yafo.

²⁶“Woo Yeshuruny, nkukaa-fo akee sha Iruva fi, yeto eeraa ngyiniu ishekutarama, na mafishiny na itumbeny lyakwe.

²⁷Iruva va llung'anu mmaako afo ni kyeny kwafo kweekaa, na kwaanu ya wayo kuyywa ukiro lwa llung'anu. Nnyaumbuta vakiduva kwaasha neewe, kaamba, ‘Mamita.’

²⁸Kweekyo Israeli kasinda na urilalyi, usoka lwa Yakobo muni, urukeny lwa soko na mfinyu; ee, ngyina takwe tikadonisya laura.

²⁹Woo Israeli kutiri ifura! A mmbi sha yewe, vandu vakire ni Nndumi Iruva, ngao weekyi lwafo na usu lwa wiikyimbi lwafo.”