Read BIBILLYA Mareiyo Meele a Iruva YOSUA 12 Bible Online

YOSUA 12 - BIBILLYA Mareiyo Meele a Iruva bible

YOSUA 12

¹Yeva mmbo vamangyi valya vana va Israeli valevakapa, neetira ngyuruka tawo kwakulya ya Yordan, taari ya nkwaany, uka imungony lya Arnoni fika ifumbu lya Hermon, na uruka loose lwa Araba taari ya ngama.

²Sihoni mangyi ya Vaamoni, ekee kulya Heshiboni, nawe mmbo ekeeshilya uka Aroeri ukee kufii na imungo lya Arnoni, uka imungon elyo lya yoo nnang'ani, na kyenga kya ufyari lwa Gileadi kundekooya mura wa Yaboki, kutani kwandekooya uruka lwa vana va Amon.

³Na uruka lwa Araba fika yeeve lya Kineret taari ya ngama fika yeeve lya Araba na yeeve lya Shumbi, taari ya ngama, shia yeenda Bet-yashimoti, na taari ya sinde kwasi ya ifumbu lya Pisga.

⁴Kundekooya nyanu wa Ogu akee mangyi ya Bashani, alesaa-u numa ya Warefai ulya ekee Ashitaroti na Edrei.

⁵Nawe mbo aleshillya kulya ifuumbuny lya Hermon na efo Saleka na Bashani shoose kundekooya nnyanu wa Wageshuri, na Wamaaka, na kyenga kya ufwari lwa Gilead, na nyanu wa mangyi Sihoni wa Heshloni.

⁶Nsero wa Nndumi Iruva we Mose na vana va Israeli vakavakaba, na Mose nsero wa Nndumi Iruva kaniinga ufyari lwa Rubeni na lwa Gadi na kyenga kya ufyari lwa Manase, tive ding'u yaawo.

⁷Yeva mmbo vamangyi va ngyumka yewe Yosua na vana va Israeli valevakapa na itira taari ilya ingi ya Yordan taari ya nkwany, uka Baal-gadi kulya imungony lya Lebanon fika ifumbulya Halaki, taari ya Seiri. Yosua kaniinga ngyufyarita vana va Israeli tive tawo shaasa valeavyo.

⁸Uruka lwa fidooro na Shefela, na urukeny lwa Araba, neefo moolokyony, na mbai ya yeeve na Negebu uruka lwa Mhiti na Mwamori na Mkanaani na Mperii na Mhivi na Myebusi.

⁹Mangyi wa Yeriko, mangyi ya Ai alya kufii na Beteli,

¹⁰mangyi ya Yerusalemu, na wa Hebron.

¹¹Mangyi wa Yarmuti, na wa lakishi,

¹²mangyi ya Eglon, wa Geseri,

¹³mangyi ya Debiri, wa Gederi,

¹⁴Mangyi wa Horma, wa Aradi,

¹⁵mangyi ea Libna, wa Adulamu,

¹⁶wa Makeda, na Beteli,

¹⁷wa Tapua, wa Heferi,

¹⁸Na mangyi ya Afeka, na wa Lasheroni,

¹⁹na mangyi ya Madon na wa Hasori,

²⁰na wa Shimron-meroni, na wa Akshafu,

²¹mangyi ya Taanaki, na wa Magido,

²²mangyi ya Kedeshi na wa Yokneamu wa Karmeli,

²³na mangyi ya Dori kulya kidoorony kya Dori, na mangyi ya ngyufyarita Gilgali,

²⁴na mangyi ya Tirsa. Vamangyi yewo woose ni makumi araru na umwi.