Read BIBILLYA Mareiyo Meele a Iruva YOSUA 15 Bible Online

YOSUA 15 - BIBILLYA Mareiyo Meele a Iruva bible

YOSUA 15

¹Ufyari lwa Yuda lukakaba kura veelatyaa shaasa vandu vafye, vabookya nnyanu wa Edomu kufike kasa ka Sini taari ya sinde mbai.

²Yeeve lya shumbi nnyo vanyanu wawo wa sinde,

³nkeenda indo fika Akirabimu, fika Sini, ukasoka fika Kadesh-barnea, ukandefika kufii na Hesron na Adari, ukalemia fika Karka.

⁴Nnyanu ukakooya Amoni yoo usoka kwa Misri fika yeeveny. Nto nnyanu wa Yuda taari ya sinde.

⁵Na nnyanu wa taari ya ngama ni yeeve lya Shumbi fika mura wa Yordan. Na taari ya ndoo ni pookya yeeveny yoo mura wa Yordan umandi.

⁶Nato ukandekooya Bet-hogla na taari ya ndoo ukakooya Bet-araba, fika iweny lya Bohan lya vana va Ruben.

⁷Naasa nnyanu ukandekooya Debiri nka imungo lya Akori, ukarwa na ndoo, kulelatya Gilgali kulerwa na Adumimu, mfo taari ya sinde ya mura, naasa nnyanu yeto ukeenda ikooya ngyusoka ta Enshemeshi fika Enrogeli.

⁸Naasa nnyanu nkeenda indo fika imungo lya vana va Hinomu yoo kwa Muyebusi taari ya sinde (nto Yerusalemu), naasa nnyanu ukeenda indo ukandekooya imungo lya Hinomu taari ya nkwaany, llyo lyikee mbai ya Varefai taari ya ndoo.

⁹Numa nnyanu ukavikwa uka efo kidoonony fika usoka lwa Neftoa na fika miri ya ifumbu lya Efroni, nato nnyanu ukavikwa fika Baala (nto Kiriat-yearimu).

¹⁰Kuuka yoo Baala nnyanu ukalemya fika taari ya nkwaany ifumbuny lya Yearimu taari ya ndoo (nto Kesaloni), naasa ukasoka na Bet-shemeshi kufii na Timna.

¹¹Nnyaanu ukenda fika Ekroni taari ya nndoo na fika Shikron na mafumbu a Baala, fika Yabneeli, ukandemanda yeeveny.

¹²Na nnyanu wa taari ya nkwaany mbo ukooye yeeve ilya niini. Niindo ufyari lwa Yuda luleniingwa na minyanu nnyo yeyo.

¹³Shaasa Nndumi Iruva alevavasya Yosua, Kalebi mwana wa Yefune mbo aleniingwa yoo nnang'ani ya ufyani lwa Yuda Kiriatarba, Arba yeto mbo ekee ndeye wa Anaki (nto Hebron)

¹⁴Nawe Kalebi mmbo aleumbuta-fo vana yewo vararu va Awaki nawo ni Sheshai na Ahimani na Talmai.

¹⁵Kuuka yoo kandesora vanduva Debiri. Irina lya Debiri elyo mbee ni Kiriat-seferi.

¹⁶Kalebi kaamba, “Nndu ashidimaa ikaba Kiriat-seferi na yuuvinga mbo nsheniingaa Aksa mfu wakwa nave nka wakwe.”

¹⁷Naasa Osinieli mwana wa Kenai we mwanamaye wa Kalebi aleenda kaukaba, na llyo kanniingaa mfu wakwe Aksa kava nka wakwe.

¹⁸Naasa kyeeri nka yeto aleenda kwa nni, kammbia natereve irema kwa ndeye, nawe kamweengya asaamyi nshungu. Ndeye kambesa, “A nki kyakweende?”

¹⁹Nawe Aksa kammbia, Mmbo nkekutereva mbora, mashika elyi kuleshivika taari ya sinde, keveshiniinga na ngyusoka ta mura. Naasa Kalebi kaniinga mfu ngyusoka ta ndoo na sinde

²⁰Yei nnyo ding'u ya miri ya Ufyari lwa Yuda.

²¹Miri ya Yuda taari ya Edomu ndoo urukeny lwa Negebu yeekee Kabseeli na Ederi, na Yaguri,

²²na Kina na Dimona na Adada;

²³na Kedeshi na Hasori na Ithmani,

²⁴na Sifu, na Telemu na Bealoti,

²⁵na Haor-hadata, na Kerioth-heron (ao Haori),

²⁶na Amamu na Shema na Molada,

²⁷na Hasar-gada na Heshmoni na Betpeleti,

²⁸na Hasarshuali na Beersheba, na Biiotia,

²⁹na Baala na Iyimu na Esemu

³⁰na Eltolati na Kesili na Horma,

³¹na Siklagi na Madmana na Sausana.

³²Na Lebaoti na Shilhimu na Aini na Rimoni.

³³Na uruka lwa Shefela, Eshtaoli na Sora na Ashana,

³⁴na Sanoa, na Enganimu, na Tapua na Enamu,

³⁵na Yarmut na Adulamu na Soko na Aseka.

³⁶Na Shaarimu na Aditaimu na Gedera na Gederotaimu, miri 14 ando amwi na fyuungo fya vayo.

³⁷Senani na Hadasha, na Migdal-gadi,

³⁸na Dilani na Mispe na Yokteeli,

³⁹na Lakishi na Boskati na Egloni,

⁴⁰na Kaboni na Lamasi na Kibilishi,

⁴¹Gederoti na Bet-dagoni na Naama na Makeda. Nayo mmiri 16 na fyuungo fya vayo.

⁴²Libna, Eteri na Ashani;

⁴³Yifta na Ashna, na Nesibu,

⁴⁴na Keila, na Aksibu, na Maresha, miri 9 sanda na fyuungo fya

⁴⁵Ekroni na miri ya vayo na fyuungo fya vayo.

⁴⁶Uka Ekron kundekooya yeeve ikee taari ya Ashdodi na fyuungo fya vayo.

⁴⁷Ashdodi na miri ya vayo na fyuungo fya vayo, na Gaza na miri ya vayo na fyuungo fya vayo, na Gaza na miri ya vayo na fyuungo fya vayo, fika mura wa Misri na yeve yeyo niini yoo imandi.

⁴⁸Na uruka lwa mafumbu, Shanuri na Yatiri na Soko,

⁴⁹na Dana, na Kiriat-sana (nto Debiri),

⁵⁰na Anabu na Eshtemaa na Animu.

⁵¹Na Goshen na Holoni na Gilo, miri ikumi na umwi valeniingwa na fyuungo fya vayo.

⁵²Arabu na Duma na Eshania,

⁵³na Yanumu, na Bet-tapua, na Afeka,

⁵⁴na Humta na Kiriat-arba (nto Hebron) na Siori, nnyo miri kyeenda valeniingwa na fyuungo fya vayo.

⁵⁵Maoni na Karmeli, na Sifu na Yuta,

⁵⁶na Yereeli na Yokdeamu na Sanoa,

⁵⁷na Kaini na Gibea na Timna mmiri ikumi sanda na fyungo fya vayo.

⁵⁸Halhuli na Betsuri na Gedori,

⁵⁹na Maarat na Betanoti na Eltekoni. Miri irindaru na fyuungo fya vayo.

⁶⁰Kiriat-baali (irina lyingyi ni Kiriat-yearim) na Raba, miri ivii na fyuungo fya vayo.

⁶¹Efo kasa Betaraba, Midini na Sekaka,

⁶²na Nibshani na Muri wa Shumbi na Engedi, miri irindaru ando amwi fyuungo fya vayo.

⁶³Na kya Vayebusi vakee Yerusalemu, wo vana va Yuda valedimi ivafuna-fo, vakakaa-fo ando amwi na vana va Yuda fika inu.