Read BIBILLYA Mareiyo Meele a Iruva YOSUA 21 Bible Online

YOSUA 21 - BIBILLYA Mareiyo Meele a Iruva bible

YOSUA 21

¹Kyeeni ekyo vandu va mirwe va Valevi vakasora nkohani Elieseri na Yosua mwana wa Nuni, na yewo vekee vandu va mirwe ufyari lwa Israeli vakavavia,

²vekee alya Shilo efo Kanaani, “Nndumi Iruva mmbo alevavasya Mose sheelyi neese luwonise miri yeekaa, luwoneu na kundo kwa yiisa findo fyeru fyeevikya.”

³Naasa vana va Israeli vakavaniinga miri yei, na ando a yiisa findo, kuve ding'u yaawo shaasa Nndumi Iruva alevavasya.

⁴Vakakabya Vakohati kura, na vana va nkohani Aron, valya veekee Valevi, vakawonisa miri ikumi na iraru, nawo ni va Yuda na Simion na Benyaminy.

⁵Na Vakohati vengyi yewo valesaa vakavekabyo kura yaawo vakaonisa efo kwa vana va Efraimu, na Dani na kwa kyenga kya Manase, myoose ikava miri ikumi.

⁶Na vana va Gershon vakaonisa miri efo kwa vana va Iskari na Aseri na Naftali na kwa kyenga kimwi kya Manase efo Bashani. Myoose mmiri ikumi na iraru.

⁷Na vana va Merari nawo vakawonisa efo kwa vana va Ruben na Gadi na Sabulon, miri ikumi na ivii.

⁸Naasa va Israeli vakaniinga Valevi miri yeyo veekabaa kura, ando amwi na kundo kwa yiisa, shaasa Nndumi Iruva alevavasya Mose.

⁹Miri yeyo mmbo valeyunta efo kwa vana va Yuda na kwa vana va Simeon, nnyo miri yeyo ikee misende yaa,

¹⁰nayo nikimaruma kya vana va Aron va ufyari lwa Vakohati, mmbo vana mashika kura ya mbee ni yaawo.

¹¹Nawo vakavaniinga Kiriat-arba. Arba yeto mmbo ekee ndeeye wa Anaki (nto Hebron) efo urukeny lwa mafumbu lwa Yuda ando amwi na kundo kwa yiisa efo kuringityeu,

¹²lyo nrema na fyuungo fya vayo vakaniinga Kalebi mwana wa Yefune five fyakwe.

¹³Naasa nkohani Aron vakannniinga Hebron ando amwi na kundo kwa yiisa, na muri weerishya kwa nndu awaa ungyi, na Libna nato na ando a yiisa,

¹⁴na Yatiri na ando a yiisa, na Eshtemoa na ando a yiisa,

¹⁵na Holoni na Debiri,

¹⁶na Aini na Yuta na Betshemeshi, nnyo miri kyeenda na kundo kwa yiisa, efo ngyufyariny yeto ivii.

¹⁷Neefo ufyariny lwa Benyamen vakaonisa-fo Gibeni na Geba ando amwi na kundo kwa yiisa,

¹⁸na Anatoti na Alimoni na kundo kwa yiisa. Mmiri iina.

¹⁹Miri vana va Aron wa makohani ni ikumi na iraru ando amwi na kundo kwa yiisa.

²⁰Yewo va ufyari lwa Kohati vakee Valevi valya valesaa wo mmbo valeonisa miri yaawo efo ufyariny lwa Efraimu

²¹Vakavaniinga Shekemu ando amwi na kundo kwa yiisa efo urukeny lwa Efraimu, nto muri weerishya kwa nndu awaa, na Geresi,

²²na Kibisaimu na Bet-horoni, mmiri iina na kundo kwa yiisa.

²³Neefo urukeny lwa Dani, na Elteke na Gibetoni na kundo kwa yiisa,

²⁴na Aiyaloni, na Gat-rimoni, miri iina na kundo kwa yiisa.

²⁵Neefo kyengen ekyo kya Manase na Taanaki, na Gat-rimoni, miri ivii na kundo kwa yiisa.

²⁶Mirii ya vana va kohati valesaa ni ikumi ando amwi na kundo kwa yiisa.

²⁷Nawo vana va Geoshoni va ufyari lwa Valevi vakaningwa efo waaviny lwa kyanga ekyo kya vana va Manase, Golan efo Bashani na kundo kwa yiisa, na muri wa irishya kwa mwiiwaa, na Beeshtera na kundo kwa yiisa miri ivii.

²⁸Neefo ufyariny lwa Iskari, Kishoni na Daberati na kundo kwa yiisa,

²⁹na Yarmut na enganimu, miri iina na kundo kwa yiisa.

³⁰Neefo kwa ufyari lwa Aseri, muri wa Mishali na Abdon na kundo kwa yiisa,

³¹na Helkati na Rehobmiri iina na kundo kwa yiisa.

³²Neefo kwa Naftali vakaniingwa Kedeshi ya galilaya, na muri weerishya kwa mwiiwaa, na Hamot-dori na Katan, miri iraru ando amwi na kundo kwa yiisa.

³³Miri myoose ya Vagenon ni ikumi na iraru ando amwi na kundo kwa yiisa

³⁴Na vana va Mereri mmbo valevi valya valesaa vakaonisa uka ufyariny lwa Sabulon, Yokueamu, na Karta,

³⁵na Dimna na Nahalali, miri iina na kundo kwa yiisa,

³⁶Neefo kwa Ruben vakaniingwa Beeri na Yahasa,

³⁷na Kedemoti na Mefaati, miri iina na kundo kwa yiisa

³⁸Neefo kwa Gadi vakaniingwa Ramot ya Gileadi, na muri yeto weerishya, na mahanaiuru,

³⁹na Heshboni na Yeeri, miri iina na kundo kwa yiisa.

⁴⁰Miri yei myoose ni ya vana va Merari mmbo ufyari lwa Valevi valesaa, nnyo miri ikumi na ivii.

⁴¹Na miri ya Valevi myoose ni makumi aana na nyanya efo kwa vana va Israeli ando amwi na kundo kwa yiisa.

⁴²Wo muri na kundo kwa yiisa kuringitye miri yeyo.

⁴³Nndumi Iruva mmbo aleniinga Israeli uruka elo loose, shaasa alevika kyaasa mbo ashevaniingaa, kuve kwawo.

⁴⁴Naasa Nndumi Iruva kavevaniinga ufoo taari toose, shaasa alevikya vande vawo kyaasa, nta efo kwa vakiduva vawo nkwiifo nndu alekukikisa mbee yaawo-fo. Nndumi Iruva mmbo alevika vakiduva vawo maakony awo.

⁴⁵Fyaasa fyoose Nndumi Iruva emmbikya Israeli mmbo fileinukya fyoose.