Read BIBILLYA Mareiyo Meele a Iruva VALETI 10 Bible Online

VALETI 10 - BIBILLYA Mareiyo Meele a Iruva bible

VALETI 10

¹Naasa Abimeleki eekifwa, Tola mwana wa Pua, niwe nshuku wa Dodo wa ufyari lwa Iskari, kashekabannya Israeli kwakwe ni Shamiri kulya urukeny lwa fidooro lwa Efraimu.

²We mmbo aleva mwiileta Israeli ando a myaaka makumi avii na iraru, eekifwa kaarwa efo Shamiri.

³Numa kasha Yairi wa ufyari lwa Gileadi nawe kaleta Israeli ando a myaaka makumi avii na ivii.

⁴We mmbo eetiri vana makumi araru wo umwi katira nshungu wakwe weesaama. Nawo mmbo veetiri miri makumi araru efo urukeny lwa Gileadi irina lya vayo ni Miri ya yairi fika inu.

⁵Yairi ekifwa vakamwaara kulya Kamoni.

⁶Naasa vana va Israeli vakafuluta lyingyi Nndumi Iruva unyafi na maravi awo, vakarunndya mabaali na mashtoreti na maruva a Siria na a Sidon, na a Moabu, na maruva a vana va Amon na a Vafilisti vakara Nndumi Iruva, valakindunndye.

⁷Unyafi lwa Nndumi Iruva lukawoya Israeli nawe kavavika maakony a Vafilisti na a Vaamoni.

⁸Nawo vakavaatara neevawonnya kyeeri ekyi Vaisraeli yewo vekee kwakulya ya Yordan urukeny lwa Vaamori ikee Gileadi, ando a myaaka ikumi na nyanya.

⁹Vaamoni nawo vakaruuka Yordan naambo vandekabana na Vayuda na Vabenyamin, na va-Efraimu. Nkyo Vaisraeli vakaatarika nnu.

¹⁰Naasa vana va Israeli vakafuuya Nndumi Iruva vakaammba, “Yese mmbo lulekulyamarya, elyi lulera Iruva weeru lukawuya irunndya mabaali.”

¹¹Nawe Nndumi Iruva kavia vana va Israeli, “A ndesa shilemwaauwa-se maakony a Vamisri na a Vaamiri na a Vaamoni na a Vafilisti?

¹²Vasidoni nawo, na Vaamaleki na Vaamoni mmbo veemusisye, mukashifuuya, shamuuta,

¹³lyo mmbo muleshira yeny mukarunndya maruva engyi, nkyoony, yeny nshikimukabaunnyaa-fo.

¹⁴Endeny mukandefuya maruva yoo any imwaauwe kyeeri kya ukiva lwany.”

¹⁵Vana va Israeli vakavia Nndumi Iruva, Nndumi Iruva mmbo lulekulyamarya, ulaalu lutannyi ekyo kikusennyaa yewe, lyo lwakutereva, lukire nkonuyeu mweni.

¹⁶Naasa vakoota-fo maruva alya a wongo eekee kwawo, vakabooka yiinndya Nndumi Iruva, nawe Nndumi Iruva kalollya ukyiva lwa Israeli.

¹⁷Nalyo Vaamoni vakakusang'irya, vakamannya ulale kulya urukeny lwa Gileadi. Na Vaisraeli nawo vakakuummbya kulya Mispa

¹⁸Vasongoru va Giliadi vakaumburana, vakaammba, “A ni vi yeto ashebokaa ikabana na Vaamoni? Yeto mmbo asheshillyaa Gileadi.”