Read BIBILLYA Mareiyo Meele a Iruva VALETI 5 Bible Online

VALETI 5 - BIBILLYA Mareiyo Meele a Iruva bible

VALETI 5

¹Naasa llyo Debora na Baraka mwana wa Abinoam valeimmba kiimbo kyawo, vakaammba,

²Kimmba vasongoru valesonngwa kunu Israeli, Na vandu nawo vakakuvika-u na nrima moose Ng'aniseny Nndumi-te.

³Arannyiny-te yeni vamangyi, neeni vasongoru looteny maarwi Yeny mmbo nshiimmbyaa Nndumi Iruva Shing'anise Nndumi Iruva, Iruva wa Israeli

⁴Kyeeri Nndumi Iruva alooka Seiri, Llya kulooka Edomu kweenda fireny uruka mmbo lulererema, na ngina tikoolota mura Yee, mafishi mmbo aleolota mura

⁵Na mafumbu akaeka mbee ya Nndumi Iruva Yee naakwa Sinai yoo mbee ya Nndumi Iruva wa Israeli.

⁶Kyeeri kya Shamgari we mwana wa Anati Kyeeri kya Yaeli, shia niini nteetiri vandu-fo

⁷Vashilyi mmbo valemanda kunu Israeli, yee vakamanda, Kutani elyi yeny Debora shilekwiiboo Shakwiiboo yeny nka kunu Israeli

⁸Vakasauwa maruva a wongo Nato fira tikavasora A kulelollyo-fo nta ngao ao ifumu? Efo fikuny makumi aana fya Israeli?

⁹Nrima wakwa mmbo ufurye na vashilyi va Israeli Yewo valekuvika-u na nrima umwi nsi Ng'aniseny Nndumi Iruva-te.

¹⁰Sye kwaaniseny mbony koose, yeni musaammye mishungu myaa. Neeni mukee mmba shaale findo fimamiri Neeni mukeenda na marende.

¹¹Mulakee sheewo varye mife, na ando eeraiya mura Yoo ng'ung'u vashekwaanisaa mbony ta mashora a usumanu a Nndumi Iruva Yee mashora akwe a usumanu eeshillya kunu Israeli Llyo vandu va Nndumi Iruva valeserikya yoo mwaangony.

¹²Kwiipoo, kwiipoo Debora Kwiipoo, kwiipoo immba kiimbo kwiiboo Baraka, iboo yewe kulekamarwa mifungwa Valya valekukamara mfungwa, Yewe mwana wa Abinoam,

¹³Llyo valya valesaa-fo valesoka Nawe Nndumi Iruva kooloka nashekabannya yewo vakaari

¹⁴Ukaa Efraimu mmbo valesoka vauka kwa Vaameleki Yoo numa yafo yewe Benyaminy, efo vanduny vafo, Na vashilyi vakasoka vauka Makiri Na vauka Tabulon ni yewo varye nsengye wa mwiireiya,

¹⁵Na vasongoru va Iskari veekee ando amwi na Debora. Shaasa Iskari eekai niindo na Baraka. Vakaoloka na imungony veerishyaa Efo ngyusokeny ta Rubeny Efo nrimeny kukaafo kiteve kiniini

¹⁶A niinda kulekaa efo mfiriny wa moonri Kwaarannya fivale efyo fyeevaanga maronda yoo? Efo ngyusokeny ta Ruben Efo nrimeny kukava-fo kiteve kiniini.

¹⁷Gileadi mmbo alekaa kwakulya ya Yordan. A Dani we nkyiki elyi alekaa efo yeeveny? Aseri we kamalallya sau yoo mwaangony wa yeeve, Kakaa yoo mundiny wa vayo Sablon wo vakakaa nrengeny kindo kyamaa ifwa Nawo Naftali vakakaa ando a kyaandaany.

¹⁸Vamangyi mmbo valesha vashekapana fira Nawo vamangyi va Kanaani vakaipoo fira

¹⁹Kulya Taanaki mureny wa Megido Mmbaleonisau mbusha ya fesa-fo.

²⁰Vakakabana wooka iruveeu Nyinyiri ta iruveeu tikakabana na Sisera

²¹Mura wa Kishoni ukaveenga Mura ulya wa kasha, to Kishoni Ewe nrima wakwa, kaarya yeenda na mbee

²²Llyo mbungashu ta mburu tilevavara Naambo tisirye-sirye Isirya sirya lya yewo vatiri finya

²³Nsu wa Nndumi Iruva kaammba, Dengeny Merosi Dengeny vandu va vayo deny Kimmba kulore valesha yeekya Nndumi Iruva Yeekya Nndumi Iruva kimaruma kya vaafinya yewo.

²⁴Yaeli navikyo mbora ngota vaka woose Niwe nka wa Heberi, Mkeni Mmbo avikyoo mbora ngota vaka woose kwa vandu

²⁵Mmbo aleterewa mura, kaniingya malela kanniinga na mafura akee kiiyeny kisha.

²⁶Koorwa woko lwakwe katira kyaasi, Na woko lwakwe usha lukatira kiria kya muni Kakaba Sisera na kiria ekyo, karrwa nrwe wakwe Yee, mmbo alenkaba kadosha kisangu

²⁷Kawa si yoo marendeny, kafwa Yee kawa yoo marendeny akwe. Yoo alekwiinyika ng'ng'u alewa kafwa.

²⁸Mmbo aleamaiya idirisheny kaiya Maye wa Sisera mmbo aleyya yoo idirisheny A nkyiki elyi ikari lyakwe lyakyeeyo isha? Na fireto fya vayo filakeesha?

²⁹Vakyeku vakwe varango vakarouwa Yee, kakurouwa we muni

³⁰A valetirase mifungwa na yaava uraa? Kishinga ao fivii wo nndu kawonisa? Kwa Sisera masara a fwana shiingyi Uraa lwa masara a fwana shive na shive, Na fwana ta taari i vii. Yoo singony ta mifungwa yeyo.

³¹Vakiduva vafo woose Nndumi Iruva vavemamika indo woi Nndumi Iruva. Lyo yewo vakukunndye vave sha nkyeere kyeeri ukeefuma na finya ya vayo ya sa Nalo uruka lukaona ufoo ando a myaaka makumi aana.