Read BIBILLYA Mareiyo Meele a Iruva 1 SAMUELI 19 Bible Online

1 SAMUELI 19 - BIBILLYA Mareiyo Meele a Iruva bible

1 SAMUELI 19

¹Naasa Sauli kavia mwana wakwe Yonatan, na vandu vakwe woose, vawaa Davidi.

²Lyo Yonatan mwana wa Sauli mmbo eekundye Davidi deny, Naasa Yonatan kandevia Davidi, “Kwiishi, nde vakwa, Sauli mmbo akeeruuya ikuwaa.” Kyasia, mmbo shakutereva fyeeri fya ngama koovye.

³Neeny mmbo shisalalaa yoo kufii na nde yoo nndeny kufii na yoo newe kukai, shirere nawe mbony tafo. Kwakooya shalollyany kindo kivaa ikuvia, shikuvie.

⁴Naasa Yonatan karera kisha kya Davidi kwa ndeye Sauli, kammbia, “Lola mangyi nalatanyi nsero wakwe Davidi ukasha, mashika nsero wakwa nnyalemulyamarya-fo.” Na fyoose alekutannya mmbo filesumana deny.

⁵Kimmba alevika muu wakwe nrengeny, llya alendekapa Mfilisti ulya, nawe Nndumi Iruva keengye ukiro uniini kyuuka nawe. Yewe kumuni mmbo kulelollya ekyo kikakusenya. “A nkiki elyi kukundye iwaa Davidi kulyamare neebuswa samu ilatiri mbese?”

⁶Sauli kairikya ekyo Yonatan alemmbia, llyony kalya mboo kaamba, “Mmbo shalya mboo na irina lya Nndumi Iruva, Davidi nnyawaawaa-fo.”

⁷Nalyo Yonatan kavaanga Davidi kammbia fyoose shaasa varera. Naasa Yonatan keende Davidi kwa Sauli, kava mwiindundya sha llya lya mbee.

⁸Naasa elyi numa-se kukakwiipoo fira ya Israeli na Vafilisti, Davidi keenda fireny, vakawaa vandu veengi nnu, Vafilisti vakafunwa.

⁹Naasa mumuyo ulya nkasha Nndumi Iruva aleurika ukaanga lyingi Sauli eekee mmba kwakwe, Neelyi Davidi ekeekapa kinanda kilya kya ura, Sauli katira ifumu.

¹⁰Sauli keesa ikapa Davidi na ifumu kutani lyindekooyaa isimamba, kakyinga, ifumu lyikeenda mmbombony. Davidi katurushukau karisha kio kilya.

¹¹Sauli akilollya indo karuma vandu vandewaa Davidi elyi kwiikyaa. Na nka wakwe Mikaliy karera nawe, kammbia, “Kwanra kularisha kukire muu wafo ndesi mmbo kuwaawa.”

¹²Nawe Mikali keeta Davidi na idirisheny, karisha kakia.

¹³Mikali kawuya keepoo ifwanu lya nndu kalyaara kitareny, kalyivikya na nto, kalyisikya na soori nisha.

¹⁴Elyi Sauli aleruma vandu vandetira Davidi, nkaakwe Mikali kaamba mmbo alwee.

¹⁵Naasa Sauli karuma vandu vandellola, kaamba, “Neendwa yaa na kitara ekyo kyakwe, nshembwaiyau.”

¹⁶Llya vandu valya valerumwa valefika kwakwe, ate, ni ifwanu lyikee kitareny lyilaaye nto.

¹⁷Sauli kavia mfu wakwe Mikali, “A mmbo kyava inda kwashilemba indi kweekeya nkiduva wakwe nashirishe?” Nawe Mikali kavia Sauli, “Davidi mmbo aleshivia, ‘Shira sheende, shilasheekuwaa.’”

¹⁸Niindo Davidi aleturushuka, nawe kandesora nkisuku Samweli kulya Rama, kammbia mbony toose shaasa Sauli aletana. Naasa vakakupoo veevavii vakandekaa Nayoti

¹⁹Sauli kasheeta sheelyi mfo vakai, kaamba, “Ate Davidi nkulya Nayoti ya Rama akai.”

²⁰Nafo-da Sauli karuma vandu vandentira. Naasa varumi yewo veekilollya vakisuku veeshaawuyaa fisuku na Samweli eekee nawo, varumi yewo nawo vakaawuya fisuku, mashika llyamumuyo wa Iruva ulevakaya.

²¹Sauli ekivio eki karuma varumi vengi, nawo-da vakaawuya. Sauli karuma varumi vengi lya kararu, nawo-da vakaawuya.

²²Numa we muni keenda Rama, kandefika Seku ando kuiyoo kirori kiniini kya mura, kavesau, kaamba, “A Samweli na Davidi nkwi vakai?” Nndu umwi karouwa kaamba, “Vakee kulya Nayoti ya Rama.”

²³Naasa Sauli keenda Nayoti ya Rama. Nato mumuyo wa Iruva ukansheya nawe kapooka yaawuya fisuku, eefinaa kutani andefika Nayoti ya Rama.

²⁴Kakuuta masara akwe kapooka yaawuya alya mbee ya Samweli. Kalala mbereto nkonu piti na kio tararaa. Nalyo kikarerwa kikaambawa, “A nyira Sauli nawe ni umwi wa vakisuku?”