Read Swahilli Zaburi 124 Bible Online

Zaburi 124 - Swahilli bible

Zaburi 124

¹ Kama si BWANA aliyekuwa pamoja nasi, Israeli na aseme sasa,

²Kama si BWANA aliyekuwa pamoja nasi, Wanadamu walipotushambulia.

³ Papo hapo wangalitumeza hai, Hasira yao ilipowaka juu yetu.

⁴Papo hapo maji yangalitugharikisha, Mto ungalipita juu ya roho zetu;

⁵Papo hapo maji yafurikayo Yangalipita juu yetu.

⁶Na ahimidiwe BWANA; Asiyetutoa kuwa mawindo kwa meno yao.

⁷Nafsi yetu imeokoka kama ndege Katika mtego wa wawindaji, Mtego umevunjika, nasi tumeokoka.

⁸ Msaada wetu u katika jina la BWANA, Aliyeziumba mbingu na nchi.