Read Swahilli Zaburi 145 Bible Online

Zaburi 145 - Swahilli bible

Zaburi 145

¹Ee Mungu wangu, Mfalme, nitakutukuza, Nitalihimidi jina lako milele na milele.

²Kila siku nitakuhimidi, Nitalisifu jina lako milele na milele.

³BWANA ndiye mkuu mwenye kusifiwa sana, Wala ukuu wake hauchunguziki.

⁴Kizazi kwa kizazi kitayasifu matendo yako, Kitayatangaza matendo yako makuu.

⁵Nitaifikiri fahari ya utukufu wa adhama yako, Na matendo yako yote ya ajabu.

⁶Watu watayataja matendo yako ya kutisha, Nami nitausimulia ukuu wako.

⁷Watasimulia juu ya ukuu wa wema wako mwingi. Na wataiimba haki yako kwa sauti.

⁸ BWANA ni mwenye fadhili na huruma, Si mwepesi wa hasira, ni mwingi wa rehema,

⁹ BWANA ni mwema kwa watu wote, Na rehema zake ziko juu ya vyote alivyoumba.[25]

¹⁰ Ee BWANA, kazi zako zote zitakushukuru, Na wacha Mungu wako watakuhimidi.

¹¹Wataunena utukufu wa ufalme wako, Na kusema uweza wako.

¹²Ili kuwajulisha watu matendo yake makuu, Na utukufu wa fahari ya ufalme wake.

¹³Ufalme wako ni ufalme wa milele, BWANA ni mwaminifu katika maneno yake yote, Na mwenye fadhili katika matendo yake yote[26] Na mamlaka yako ni ya vizazi vyote.

¹⁴BWANA huwategemeza wote waangukao, Huwainua wote walioinama chini.

¹⁵Macho ya watu wote yakuelekea Wewe, Nawe huwapa chakula chao kwa wakati wake.

¹⁶Waufumbua mkono wako, Wakishibisha kila kilicho hai matakwa yake.

¹⁷BWANA ni mwenye haki katika njia zake zote, Na mwenye huruma katika matendo yake yote.

¹⁸ BWANA yuko karibu na wote wamwitao, Wote wamwitao kwa uaminifu.

¹⁹ Hutimiza matakwa ya wote wamchao, Na pia husikia kilio chao, na huwaokoa.

²⁰ BWANA huwahifadhi wote wampendao, Na wote wasio haki atawaangamiza.

²¹Kinywa changu kitazinena sifa za BWANA; Wote wenye mwili na walihimidi jina lake takatifu milele na milele.