Read Swahilli Yoshua Mwana wa Sira 10 Bible Online

Yoshua Mwana wa Sira 10 - Swahilli bible

Yoshua Mwana wa Sira 10

¹Serikali Kazi aliye na hekima atawafundisha watu wake; na utawala wa mwenye ufahamu utakuwa na utaratibu.

²Alivyo mhukumu watu, ndivyo walivyo watumishi wake; na alivyo mkuu wa mji, ndivyo walivyo wakaao humo.

³Mfalme asiye na elimu atawaharibu watu wake; bali mji utathibitishwa kwa ufahamu wa wakuu.

⁴Mkononi mwa BWANA mna utawala wa dunia; na wakati upasao atainua juu yake mtu wa kufaa.

⁵Mkononi mwa BWANA mna kufanikiwa kwa mwanadamu; pia juu ya mwandishi ataweka heshima imhusuyo. Dhambi ya Majivuno

⁶Usimkasirikie jirani yako kwa kila kosa; wala usifanye neno kwa kutenda jeuri.

⁷Kiburi ni chukizo kwa BWANA, pia kwa wanadamu; maadamu mbele ya wote yasiyo haki ndiyo makosa.

⁸Kuhusu utawala taifa hupisha taifa kwa ajili ya udhalimu, ujeuri, na tamaa ya fedha.

⁹Mbona yule aliye udongo na mavumbi tu hufanya kiburi? Naye aweza angali hai kupata mchango wa tumboni;

¹⁰ugonjwa ni wa siku nyingi, tabibu hushindwa, leo huyo ni mfalme, na kesho amekufa!

¹¹Kwa maana hakika akiisha kufa, mtu atarithi vitambaavyo na vidudu na mchango.

¹²Kiini cha kiburi ni mtu kumwacha BWANA; moyo wake umejitenga na Mola wake.

¹³Yaani, chanzo cha kiburi ni dhambi; yeye aishikaye atafurika machukizo. Ndiyo sababu BWANA alileta juu ya wanadamu misiba ya kutisha, akawaangamiza kabisa;

¹⁴ BWANA akawaondoa wakuu katika viti vyao, akawakweza wanyonge mahali pao;

¹⁵BWANA akaing'oa mizizi ya mataifa, akawapanda wanyenyekevu badala yao;

¹⁶BWANA akaziharibu hata dalili za mataifa mengine, na mashina yao hata pande za ndani za nchi;

¹⁷baadhi yao akawatawanya, akawaharibu, akalikomesha kumbukumbu lao duniani.

¹⁸Naam, kiburi sicho kilichoumbwa kwa ajili ya wanadamu, wala ghadhabu kali kwa ajili yao waliozaliwa na wanawake. Wastahilio Heshima

¹⁹Mzao gani ana heshima? Wanadamu. Mzao gani ana heshima? Wamchao BWANA. Mzao gani hana heshima? Wanadamu. Mzao gani hana heshima? Waasio amri.

²⁰Miongoni mwa ndugu awatawalaye ana heshima; bali machoni pa BWANA ni wao wamchao.

²¹Tajiri na mstahiki na maskini, kujisifu kwao wote ni katika kumcha BWANA.

²³Si haki kumdharau maskini, naye anao ufahamu; wala si haki kumtukuza tajiri aliye mkosaji.

²⁴Mkuu na kadhi na shujaa watasifiwa, walakini hakuna mmoja wao aliye mkuu kuliko yeye amchaye BWANA.

²⁵Hata walio huru waweza kumhudumia mtumwa mwenye hekima, wala hakuna mwenye ufahamu atakayenung'unika. Kuhusu Unyenyekevu

²⁶Usijione mtaalamu wakati ufanyapo kazi ya mikono, wala usijikuze wakati uonapo uhitaji;

²⁷afadhali afanyaye kazi na kupata wingi kwayo, kuliko ajikuzaye lakini hana chakula.

²⁸Mwanangu, kujisifu ujisifu katika unyenyekevu, na kujiheshimu mwenyewe sawasawa na stahili zako.

²⁹Nani atamhesabia haki yeye atendaye dhambi juu ya nafsi yake? Nani atakayemtukuza yule mwenye kujiaibisha yeye mwenyewe?

³⁰Maskini hutukuzwa kwa akili zake, na tajiri hutukuzwa kwa mali zake;

³¹walakini atukuzwaye katika umaskini, si zaidi katika utajiri? Naye aliye na aibu katika utajiri, si zaidi katika umaskini?