Read Swahilli Yoshua Mwana wa Sira 16 Bible Online

Yoshua Mwana wa Sira 16 - Swahilli bible

Yoshua Mwana wa Sira 16

¹Adhabu ya Mungu kwa wenye dhambi Usitamani kuwa na watoto wengi wasiofaa, wala usiwafurahie wana wasiomcha Mungu.

²Hata wakizaa usiwafurahie, isipokuwa ni watu wamchao BWANA.

³Usitumainie uhai wao, wala usiutegemee mwisho wao, ambao hawatapata kufa kwema; kwa maana ni afadhali mmoja mcha Mungu kuliko elfu wakosaji, ni afadhali kufa huna wana kuliko kuwa na watoto wasiomcha Mungu.

⁴Kutoka kwa mtu mmoja mcha Mungu asiye na mwana mji utakuja kukaliwa na watu, bali taifa zima la watu wabaya watafanyika ukiwa.

⁵Mambo mengi ya namna hiyo nimeyaona kwa macho yangu, tena kwa sikio langu nimesikia mambo makuu kuliko hayo.

⁶Katika kusanyiko la wenye dhambi moto utawashwa, na katika taifa asi ghadhabu huwaka.

⁷ BWANA hakuwaridhia wakuu wa kale walioasi katika nguvu zao;

⁸Yeye hakuwaachilia wale ambao Lutu alikaa kwao, wale aliowakirihi kwa kiburi chao;

⁹hakuwahurumia watu wa upotevu walioondolewa katika dhambi zao;

¹⁰vile vile watu wale elfu mia sita walioangamia katika ugumu wa mioyo yao,

¹¹hata akiwapo mtu mmoja mwenye shingo ngumu, ni ajabu akiepukana na adhabu yake. Kwa maana rehema na ghadhabu zina yeye, naye yu hodari wa kusamehe, pia na humwaga ghadhabu juu ya waovu.

¹²Kama zilivyo kuu rehema zake, ndivyo ilivyo na adhabu yake; humhukumu mtu sawasawa na matendo yake.

¹³Mwenye dhambi hataokoka na mapato yake, wala tumaini la mwenye haki halitabatilika.

¹⁴Kwa kila kazi ya rehema atafanya nafasi, na kila mtu ataona thawabu sawasawa na matendo yake. Malipo na hakika

¹⁵Lakini usiseme hivi, Mimi nitafichwa na BWANA, naye yu nani atakayenikumbuka mimi kutoka juu? Mimi sitambulikani katikati ya watu wengi, kwa maana roho yangu moja ni kitu gani miongoni mwa viumbe visivyo na idadi?

¹⁸Tazama, mbingu, na mbingu za mbingu, na vilindi, na dunia, na vyote vilivyomo, vitatikisika atakapokuja Yeye;

¹⁹milima, hata na misingi ya nchi, inatetemeshwa aitazamapo Yeye.

²⁰Yakini hakunitia mimi moyoni mwake, naye yu nani mwenye kuzichungulia njia zangu mimi?

²¹Nikitenda dhambi hakuna jicho la kuiona, na kama nikafanya hila kwa siri yu nani ajuaye?

²²Pia ni nani mwenye kuyasimulia matendo yangu ya haki, tena tumaini lipi, maadamu hukumu iko mbali?

²³Ndivyo afikirivyo mtu asiye na ufahamu na mpumbavu desturi yake huwaza mapumbavu. Busara ya Mungu yaonekana katika uumbaji

²⁴Mwanangu, unisikilize na kuipokea hekima yangu, na kuyaangalia maneno yangu moyoni mwako.

²⁵Mimi nitatoa mafundisho kwa kipimo, na kutangaza maarifa kwa uangalifu.

²⁶Hapo mwanzo Mungu alipoiumba kazi yake, na tangu alipoifanya, aliamuru aina zake.

²⁷Aliviratibisha viumbe vyake milele, Na mianzo yake hata vizazi vyote. Havioni njaa, wala havichoki, Wala havikomi hatika kazi zake.

²⁸Hakuna chenye kusukuma jirani yake, Wala haviasi neno lake kamwe.

²⁹Baada ya hayo tena BWANA aliitazama nchi, akaijaza mibaraka yake.

³⁰Kwa kila namna ya viumbe vyenye uhai akaufunika uso wake, na ndani yake vinarudi vyote.