Read Swahilli Yoshua Mwana wa Sira 19 Bible Online

Yoshua Mwana wa Sira 19 - Swahilli bible

Yoshua Mwana wa Sira 19

¹Afanyaye hivyo hapati kuwa tajiri; wala kibarua aliye mlevi! Anayedharau mambo madogo Ataanguka kidogo kidogo.

²Vileo na wanawake huwaangamiza hata watu wa ufahamu, na yule awaendeaye makahaba ataharibika;

³nondo na funza watamrithi, na roho ya mfidhuli ni harabu ya mwenyewe. Kuhusu mazungumzo yasiyofaa

⁴Mfanya haraka kutawakali hana ufahamu, naye mtenda dhambi hukosa juu ya roho yake mwenyewe.

⁵Mwenye kuchangamka katika uovu rohoni mwake atahukumiwa;

⁶lakini mtu asiyependa udakuzi anao uovu uliopungua.

⁷Basi yale uliyoambiwa usinene tena kamwe; hutazidi kuwa na hali mbaya.

⁸Na iwe habari ya rafiki au adui, usinene; isipokuwa ni dhambi kwako usiifunue;

⁹asije yule akasikia, na kukuchunguza, na wakati utakapowadia atakuchukia.

¹⁰Je! Wewe umesikia neno? Na life pamoja nawe; jipe moyo mkuu, halitakupasua.

¹¹Bali mpumbavu atakuwa na uchungu wa neno kama vile mwanamke aonavyo uchungu wa kuzaa mwana;

¹²tena kama mshale uchomao nyama ya pajani, ndivyo ilivyo neno tumboni mwa mpumbavu. Uhakikishe kwanza mambo unayosikia

¹³Mhoji rafiki yako; labda hakulitenda, hata iwapo amelitenda yawezekana asizidi kulitenda.

¹⁴Mhoji jirani yako; labda hakulisema, hata iwapo amelisema yawezekana asiliseme tena.

¹⁵Basi mhoji rafiki yako; mara nyingi huwa visingizio tu, wala usiliamini kila neno.

¹⁶Aidha, kuna atelezaye kwa ulimi, wala si kwa moyo; kwa maana ni nani asiyekosa kwa ulimi wake?

¹⁷Basi mhoji jirani yako kabla ya kumtisha, uipishe torati yake Aliye Juu. Hekima ya kweli na ya uongo

²⁰Hekima yote ni kumcha BWANA;

²¹na katika hekima yote mna kutenda kwa torati;

²²wala kujua maovu siyo hekima; wala shauri la wenye dhambi siyo busara.

²³Tena kuna werevu, ambao ni chukizo; tena kuna ujinga, ambao ni upungufu wa akili;

²⁴yule aliye na ufahamu kidogo tu pamoja na kicho humpita mtu aliye mwingi wa busara bali anaivunja torati.

²⁵Yuko mwerevu halisi wala hana haki; yuko tena mtu mwenye staha ya hila ili apate hukumu.

²⁶Pia yuko atendaye mabaya sana, huinama kichwa kwa huzuni, bali ndani amejaa hila;

²⁷hukunja uso, hufanya kana kwamba yu kiziwi katika sikio moja; naye pale pale asipojulikana atakughilibu.

²⁸Na ikiwa kwa kukosa uwezo amezuiwa asitende dhambi, mara apatapo nafasi atafanya madhara.

²⁹Kila mtu atatambulikana kwa uso wake; mwenye ufahamu atajulikana kwa sura yake popote umkutapo;

³⁰nazo nguo za mtu, na cheko la kutoa meno, na mwendo wake, huonesha mara alivyo yeye mwenyewe.